《香港傭兵》: [Day 24－三合成立] PART 44
恐怖望一望阿月...再打量住綽姿：「LILITH嘅其中一個特性...可以話係中和ADAM同EVE嘅不穩定情況...而LILITH本身...係比較平靜...相對穩定...」
LILITH...比較平靜...穩定...
恐怖一直打量住綽姿：「就係因為LILITH相對穩定...先能夠以植入偽記憶控制...縱使唔知咩原因...LILITH想阻止三合...」
LILITH想阻止三合？
咩三合？
「嗄...嗄！」綽姿怒視住恐怖...用力吸咗兩啖大氣...
我扶穩綽姿：『唔好亂郁...』
而家就算亂郁都冇用...
喺綽姿身上...已經感覺唔到氣息...
而且唔好話紅色粒子...就連藍色粒子都冇...咩色粒子都冇...就好似耗盡精神能量一樣...
唔進入深層睡眠已經叫萬幸...更唔好話想衝動做啲乜...
恐怖嘅氣息...身上嘅紅色粒子...又光又亮...極強大且霸道到令人窒息...
冇錯...其實一直都Keep住...恐怖一直都Keep住呢種比起片翼...比起一尾恐怖得多嘅強大氣息...
呢種感覺就好似喺森林之中...被獅子望住嘅兔仔...等死...
講真如果唔係嘅話...我又點會乖乖地喺度聽佢講故仔...
恐怖帶住陰險嘅微笑擰擰頭：「咩原因都好...都唔重要～縱使死海文書唔完整...唔能夠完全推算...只要盡跟...都可以跟到劇本...」
盡跟...劇本...
恐怖繼續講：「LILITH...EVE...ADAM...三者之間嘅關係其實真係好玄妙...」
三...三原核之間...
恐怖點點頭：「喺跟住死海文書推進嘅過程...可以了解到...佢哋三者之間...共引...共生...共鳴...」
共引...共生...共鳴...
恐怖望一眼阿月...再打量住我：「喺宋本木未嚟搶走EVE同ADAM之前...我就已經差唔多將受損嘅EVE修復好...」
『喂喂喂等等先...講講吓又講返去搶走之前...你一時又講ADAM喺西貢獻命手...一時又講EVE同ADAM唔知俾宋本木收埋喺邊...一時又講研究過三原核...一時又講LILITH植入偽記憶...一時又講三原核喺你手...一時又講ADAM植入唔到偽記憶...一時又講三者微妙關係...一時又講EVE能量對ADAM嘅刺激...一時又講搶返ADAM翻嚟...一時又講LILITH中和特性...而家又講返去宋本木搶走EVE同ADAM之前...你咁樣插嚟插去搞到我好亂吖...』恐怖識唔識講故仔㗎？
你咁講叫人點明吖？
啲時序亂鳩咁嚟...搞到我好撚亂呀...
恐怖一隻冷眼望住我：「用插敍就係要你用腦諗吖嘛...順敘咁悶...瞓著啦...又點刺激到你嘅腦部神經吖...」
但你而家亂鳩咁插喎...唔係刺唔刺激腦部神經喎...係完全Get唔到喎...
Get唔到就屌㗎啦...
恐怖全身上亮住紅光：「總之你就聽我講...用腦諗...」
『係係...』嘩屌...恐怖真係好嬲嬲豬咁喎...好似好恐怖咁喎真係...
唉唔好理喇...係唔係都係係係...明唔明都係係係喇...
「唉...」恐怖抖啖大氣，「宋本木將差唔多修復好嘅EVE同ADAM搶走...喚醒到應該係...第四階層...抽取能量...係我想做...但做唔到嘅事...果然...喺佢嗰部份嘅死海文書...記載住有我推算唔到嘅資料...可惜冇吸到...不過唔緊要...」
『係係...』乜都好啦...
恐怖點點頭：「而到我由西貢獻命回收返ADAM...任由佢帶住原本嘅記憶同LILITH一齊...遇上EVE能量...產生共鳴作用...一次...又一次...又一次一次...」
『係係...』一次又一次...
恐怖又打量住綽姿：「就算係LILITH首先覺醒再被封印...之後再以偽記憶控制...都唔影響ADAM同EVE之間嘅共鳴...」
『係係...』偽記憶控制LILITH...都唔會影響ADAM同EVE之間嘅共鳴...
恐怖再望一望阿月...然後打量住我：「只要令EVE能量同ADAM產生一定共鳴之後...再遇上大量自己產生出嘅黑物質...就會啟動喚醒程序...」
『係係...』啟動喚醒程序...
恐怖一隻冷眼打量住我：「究竟你有冇用腦諗㗎...腦吖...腦吖...」
『有吖有吖...EVE能量同ADAM產生一定共鳴吖嘛...LILITH中和兩者之間嘅刺激吖嘛...再遇上大量自己產生出嘅黑物質吖嘛...啟動喚醒程序吖嘛...』屌你講到1999咁仲問人有冇用腦諗...
啲最後大佬真係特別大支嘢㗎喎...
「嗯...」恐怖點點頭，「當最遲鈍嘅ADAM都進入喚醒程序之時...就要睇EVE...同LILITH...」
『等等先...點解ADAM係最遲鈍呢？』點解當恐怖一講到ADAM係最遲鈍之時...我條氣有啲唔順咁㗎呢？
「呢層...」恐怖一隻冷眼打量住我，「正如我先前所講...LILITH嘅特性比較平靜...相對穩定...即係三原核都覺有佢嘅特性...EVE嘅特性就係活躍...無限能源...而ADAM就比較...固執...刻板...」
固執...刻板...咁講好似...好聽啲...
恐怖一直冷眼打量住我：「或者就係因為ADAM嘅固執同刻板...所以先咁難以植入偽記憶...抗拒接受...堅信自己嘅記憶...」
難以植入偽記憶...抗拒接受...堅信自己嘅記憶...
恐怖一直冷眼打量住我：「喺冇EVE能量嘅共鳴同LILITH嘅中和作用之下...好易失控...不穩定...產生出吞噬一切嘅黑球...」
好易失控...不穩定...產生出吞噬一切嘅黑球...
恐怖一直冷眼打量住我：「呢個就係我研究得出嘅結果...ADAM...」
ADAM...
ADAM嘅特性...固執...刻板...易失控...不穩...產生出吞噬一切嘅黑球...
呢啲對我嚟講其實都唔重要...
最重要其實都係...
『咁穿越時空嘅特性呢？』講咗咁耐...都仲係未講最重要嗰Part...
冇錯...對我嚟講...始終都係穿越時空最重要...
呢點...恐怖唔會唔知掛...唔會冇做過研究掛...
「雖然你終於肯用腦...」恐怖帶住陰險嘅微笑打量住我，「之但係...仲係咁在意嗰段記憶...」
咩我肯唔肯用腦吖...又在意邊段記憶吖...
恐怖一直帶住陰險嘅微笑打量住我：「ADAM...係有穿越時空嘅特性...死海文書的確有咁記載...之但係...」
『之但係咩呢？』唔好賣關子好唔好...
恐怖再諗一諗：「我研究唔到...」
『吓？你研究唔到？你唔係研究咗好多㗎咩？又知特性又有乜功能又有幾危險咁...仲有死海文書呢？你唔係應該知得最多㗎咩？』最終Boss喎...唔係所有迷團嘅答案都喺晒佢手中喇咩？
恐怖無奈咁擰擰頭：「三原核同時喺我手上嘅時間並唔長...大約都只係十年多...縱使我再次得到LILITH同ADAM...EVE仲喺宋本木手上之時...缺少EVE就難以研究...我研究出喚醒ADAM嘅方法已經好難得...」
『係喇係喇...叻喇叻喇...』你都係想有人讚姐...我讚你囉...
恐怖繼續講：「同穿越時空有關嘅...都係ADAM產生出嚟嘅黑球...」
係...黑球...副產品...
恐怖繼續講：「黑球可以抽取黑物質之外...仲有吞噬所有物質...質量...甚至空間嘅特性...」
吞噬嘅...特性...
恐怖繼續講：「假如係失控吞噬嘅話...就真係唔知去咗邊...」
唔知去咗邊...
恐怖繼續講：「而我就只可以...製造接疊之門...」
接疊...之門...
恐怖繼續講：「利用ADAM產生出嚟嘅黑物質...研發空間接疊技術...將喺同一個空間嘅兩個唔同地方接疊起嚟...即係你哋喺黃金海岸開啟嘅黑洞...」
哦...空間接疊技術...
恐怖打量住我：「不過我都唔係製造咗好多...一來要用好多黑物質...二來良率唔高...一失敗就好危險...唔知又會吞噬幾多...」
唔知又會吞噬幾多...
恐怖帶住陰險嘅微笑打量住我：「我真係冇咁多機會去研究有關穿越時空...或者...有關穿越時空方面...你最清楚...」
有關穿越時空方面...我最清楚？
係因為...我曾經穿越過時空？
穿越過就應該清楚？
咁揸過車就識整車？搭過地鐵就識整地鐵？坐過飛機就識整飛機？
咁太空人實識整火箭啦...
恐怖帶住陰險嘅微笑擰擰頭：「不過清唔清楚穿越時空都唔重要...重要嘅唔係個別原核嘅特性...而係佢哋三者嘅共鳴作用...」
又講共鳴...頭先咪講咗囉...
恐怖點點頭：「頭先只係講三者嘅共鳴作用可以互相喚醒...尤其係要喚醒最難而且喺最低層嘅ADAM...」
『係係...』繼續俾反應...
恐怖望阿月一眼...再打量住我同綽姿：「只要將三原核都喚醒到第五層...就會進入三合程序...」
『係係...』三...三合程序...
頭先恐怖有提過...LILITH想阻止...
恐怖帶住陰險嘅微笑打量住綽姿：「當三合程序完成...三原核喚醒至第六層...咁就會...咁就會產生出無盡能源...以EVE嘅AI特性控制EVE Unit...」
『係係...』EVE AI...EVE Unit？
恐怖帶住陰險嘅微笑打量住阿月：「EVE Unit...死海文書所記載嘅天兵神將...一直都被世人認為係神所創造嘅天使兵團...」
天使...兵團？
恐怖越笑越陰險：「冇錯...係天使...古人認為係天使...係神所創造...而其實神...都只係另一個物種...另一個文明...而天使...其實係由EVE嘅AI特性所控制嘅機械人...」
吓？即係點？
恐怖回頭望望...進入深層睡眠嘅片翼同一尾：「世人都係信唔過...縱使你視為親女兒又好...一直效忠於你嘅英雄又好...唔難保有朝一日...佢哋都會背叛你...」
『係吖係吖...』但個勢似係你賣鳩佢哋兩個多啲喎...
恐怖擰一擰頭：「冇人信得過...縱使個制度幾咁完美...控制權盡在手中...只要係人...就會有異心...總有一日會嚟反你...一個...又一個...只會越嚟越多...叛變嘅力量就只會日益增強...」
『係吖係吖...』坐喺最高位嘅人都有被害妄想症？
恐怖打量住阿月：「就只有自己...凡事只能親力親為...」
『係吖係吖...』唔好理咁多...對住語無倫次嘅痴線佬都係和應佢最好...
恐怖再望住綽姿...再打量住我：「我已經準備好...製造足夠數量嘅EVE Unit...就只係等...等三合...等EVE AI與千千萬萬部EVE Unit連接...無限能源注入EVE Unit...無堅不摧嘅天兵...我就可以...我就可以...統治世界！」
『係吖係吖...』屌講到尾咪又係稱霸地球武統宇宙...仲諗住會有乜宏大理念添...
阿月帶住莞爾一笑...行近我兩步：「你咁諗就錯喇～」
錯...
突然...
“吱！”
『呀...』我個頭...
阿月再行近啲...
“吱！”突然腦海中有“吱”一聲！
「EVE...LILITH...ADAM...」
『呀...呀！』我個頭...痛...
阿月一步一步...再行近啲...
“吱！吱！”又有幾聲...好大聲！
「終於都...開始...」
『呀！』好痛...我個頭...好痛呀...
阿月再行近多兩步...
“吱！吱！吱吱！！！”好刺...好痛...
「嚟喇...三合...」
好痛...
阿月再行近多兩步...行到嚟我面前...
超痛...
阿月望住我...
我個頭...我個腦...好似就嚟爆...
阿月單膝半跪喺我面前...對住我...莞爾一笑...
眼前嘅阿月...阿月嘅莞爾一笑...開始扭曲...
扭曲...扭曲...眼前嘅阿月...眼前嘅一切...
整個空間...正被扭曲至深淵一樣...扭曲到深淵一樣黑嘅黑洞之中...吞噬...
「三合開...始啦...我...期...待...已...」
吞噬...
...
..
.