是咁的，我嘅職業係幫人瞓覺: 一百九十三、真正嘅心結

「如果無人會批評你，無人會話你傻，去除哂一切依啲外界因素，同外人嘅所有目光，你會唔會去婚禮，祝福阿婷？」

因為佢知道，阿婷依家會有幸福。

諷刺嘅係，當余俊朗學識咩係真愛，就已經無機會再守望阿婷喺自己手心起舞。

余生點點頭。

「真係咁想做，就去做啦。」





余生搖搖頭：「唔，已經夠喇。我明白咗一啲野，多謝你同我講咗咁多。」

直到後來，我都無收過余生依件事有咩後續嘅更新。總之直到最後，佢都無搵返阿婷同阿邦佢地。

所以有好長嘅一段時間，我雖然不停諗返余生依個個案，但對於佢嘅夢之迷宮就一直有一點諗唔明。

如果離開迷宮嘅方法係解開心結，咁最後一層迷宮嘅心結應該係余生去唔去祝福阿婷，而我說服咗佢去做，所以先可以走人。

但既然喺現實世界佢一直都無行動，咁即係祝福阿婷反而唔係真正嘅心結。





直到無幾耐之後，余生約我出嚟食飯，我地再有機會傾下計，先知道佢最後一個迷宮之中真正嘅心結係乜。