是咁的，我嘅職業係幫人瞓覺: 一百九十四、希望再有一個人
嘉儀一直抄寫嘅手停低落嚟，雖然佢字醜，但就真係抄得好快。
我正想繼續講落去嘅時候，依位網絡作家輕輕咁對住筆記簿講咗句：「只係希望再有一個人⋯⋯陪佢傾⋯⋯佢嘅煩惱？」
「呃⋯⋯」我有少少錯愕。
「你講嘅咁多個夢入面，都無出現過余先生嘅其他朋友。所以⋯⋯如果同佢有最多交流嘅阿朗，廿幾年嘅兄弟斷絕聯絡，咁佢嘅猶豫、糾結同煩惱，就只能夠一直⋯⋯一直自己一個人承受。」
我點頭，依個就係迷宮真正唧意義。
余俊朗，只係希望有人聆聽佢嘅煩惱，有人可以傾訴心事。