是咁的，我嘅職業係幫人瞓覺: 一百九十一、真愛

就好似余生偷睇阿婷電話，一次又一次因為太驚而懷疑，促使咗佢同阿婷分開。

依戀其實係自私利己嘅愛，因為重點在於「我愛你，所以我想『你令我』幸福」。

於是當對方唔再屬於自己，唔再令自己覺得幸福同快樂，亦等同於唔需要再愛佢。

若果余俊朗對沛芝婷嘅愛只係依戀，咁佢喺最後一層夢之迷宮就無可能會猶豫。

唓，都唔係我條女啦，佢同邊個結婚關我鬼事？





單純嘅依戀只會萌生咁嘅念頭，而唔會糾結自己應唔應該出席婚禮祝福前女友。

只有真愛先會令人仲想祝福一個傷害過自己嘅人。

表意識嘅余生無自覺，但佢嘅潛意識已經一早認清咗事實。

喺婷婷嘅視覺，見到阿朗徒勞無功咁繼續愛阿婷，希望可以修補關係，婷婷問過：「點解佢咁傻呢⋯⋯」

事實上，現實嘅余生的確好傻咁繼續愛緊阿婷。





真愛有時就係會令人傻。

傻過，先知真係愛過。