是咁的，我嘅職業係幫人瞓覺: 一百九十、愛分兩種
愛分為兩種。一開始嘅余生對阿婷嘅愛係「依賴之愛」，亦係大部分人講愛嘅時候，真正所指嘅類型。
好多人一講愛就以為自己所講嘅係真愛，但實際上好多時我地口中嘅愛其實都只係依戀。
因為依兩種愛實在太相似，太容易令人混淆。
真愛會令人得到幸福，而依戀就會導致痛苦。
依戀就好似用力將手握緊，唔容許手心入面嘅寶物離自己而去。
但手握得愈實，對失去嘅恐懼亦會愈大。
恐懼令我地更用力握緊雙手，唔止我地會痛苦，手中嘅愛人亦會。
為咗逃避痛苦，手心嘅人會想掙脫枷鎖，但握拳嘅人感受到對方嘅掙扎，又會握得更加用力，形成惡性循環。
最後導致關係破裂，手心只淨低傷口同血水。