是咁的，我嘅職業係幫人瞓覺: 九十九、自己發夢
雖然唔知自己幾時瞓著，但係可以肯定依個係夢。
只要發過夢嘅人都知，我地成日都有機會誤以為夢就係現實。
所謂「當局者迷」就係咁嘅意思。
就算我地喺夢中見返離開咗人世嘅親戚，第一個反應都未必係「佢死咗喇喎，依個係夢」。
更多時候係醒返嗰陣先至驚覺原來之前嘅一切都只係個夢。
仲有，即使喺夢中出現自覺，知道係發緊夢，我地都無辦法阻止夢入面嘅自己做任何事，因為夢中嘅我地根本無自主意識。
我幫人瞓覺發夢可以維持自主意識，即係我知道我發夢，亦可以喺夢中自由活動。
不過依種相對清醒嘅狀態，會隨住我喺夢中瞓著覺或者進入夢之迷宮而受到干擾。