是咁的，我嘅職業係幫人瞓覺: 九十八、夢境

「自從病情惡化之後，媽咪已經有三個月零九日好似依家咁樣。」

雖然有時恆媽會醒下，但係都無精神同恆仔正正式式咁講野。

「媽，我嚟咗呀。」

「嗯。」

「媽，有無邊度唔舒服？」





「唔⋯⋯唔。」

「媽，我走喇。」

「唔⋯⋯」

亦因為恆媽無辦法回應，所以好多時候都係恆仔自己一個喺度講自己嘅事。

「我唔想最後一段同媽咪一齊嘅回憶係咁樣。所以先希望你幫我⋯⋯一個鐘都好，就算係一個鐘都無所謂，我想可以同媽咪好似以前咁傾計。」





突然之間，一陣似曾相識嘅耳鳴令我有少少見暈。

眼前所見到嘅病房好似扭曲緊咁，我即刻拍拍自己個頭，保持清醒。

大鑊喇，原來係咁，我終於知道發生緊咩事。

照依家嘅情況睇嚟，恆媽依單野，我唔接唔得喇。

「我明白喇，放心啦，我會幫你。」





「呃？咁突然？」

唔突然，必須要做嘅，因為我記返起一啲事實。

其中一個係，我依家喺夢入面。