是咁的，我嘅職業係幫人瞓覺: 五十八、徒勞無功
婷婷好似聽到死刑宣告嘅囚犯咁，但好快就點點頭，欣然接受。
因為依個答案其實佢都唔多唔少自己心入面都有個譜，只係一直無外人話佢知佢個答案係正確。
「嗯，應該真係咁。但唔好再問我係乜，我都唔知，我只知道我唔係乜。」
幫人瞓覺之所以咁好玩，係因為總會遇到新奇事橙，每個夢世界同潛意識世界都可以唔同，唔係好似現實咁有一大堆既定規則。
所以每次幫人瞓覺，某程度上都等同一次冒險，我都幾享受個過程。
不過，今次嘅夢境絕對唔係咩值得享受嘅體驗。
我望住阿婷開始同佢一夜情對象糾纏不清、藕斷絲連，但內𥚃嘅婷婷無論點反抗都係徒勞無功。
我無辦法以興奮同期待嘅心態，睇一套悲劇。