是咁的，我嘅職業係幫人瞓覺: 五十九、誘惑

「你真係鍾意你條仔咩？」

依位叫james嘅player格真係出哂汁，連問問題嘅語氣都係咁輕挑，完全無將阿朗當係一回事。

佢好有自信，深知個答案唔會令佢失望。就好似高比拜仁對個業餘籃球手，然後問：「你覺得我會輸咩？」一樣，帶有王者嘅自信。

但你吹佢唔脹，女人就係對依種男人無抵抗力。

「係呀！我好鍾意！好撚鍾意呀！」婷婷抱住樂樂喊。





「唔好問啦⋯⋯我唔知呀。我地真係一個錯誤嚟架⋯⋯」

我問旁邊嘅阿婷：「佢兩個喺邊？」

「個男仔嘅宿舍。」

「唉，去得依啲地方實出事啦。」唔通搵你去捉棋咩！

james將阿婷拉入佢懷中，乜都無講就錫咗落去。





脷尖交纏，阿婷發出情不自禁嘅呻吟聲。

「你確定你唔係鍾意我？」james將阿婷嘅手慢慢移向牛仔褲上。

性係人類最原始嘅本能之一，亦係潛意識當中數一數二嘅力量。

「你唔想再試多次咩？今次會係清醒咁感覺到自己要嚟嗰陣，係咩感覺喎。」