是咁的，我嘅職業係幫人瞓覺: 五十七、酒精

我相信一個人壓抑得自己愈耐，酒精嘅作用就愈大。

酒精可以將潛意識，我地更真實嘅自己表現出嚟。

所以有啲人會話：「哇，你飲咗酒之後另一個人嚟。」

換句話講，酒精會放大潛意識嘅影響力，甚至令佢擁有身體嘅控制權。

咁即係話，婷婷唔係潛意識嘅具象化。

阿婷飲咗酒之後，婷婷應該會擁有更大控制權，但實際上佢喺床上瞓著咗。

而且喺阿婷決定去唔去酒吧嗰陣，阿婷雖然有受婷婷影響而動搖，但最後佢都係選擇咗去酒吧。

「你唔係阿婷嘅潛意識。」

已有 0 人追稿