如何回到當時？: chap.4.1

Grace 的穿越之旅
你地有冇發現過朋友有困難但為了不讓人擔心所以沒有告訴任何人，我啱啱先發現，原來我個好朋友的家庭關係唔好，父母經常吵架，仲會打交，好恐怖。一向給人感覺和善的伯母竟然有抑鬱病，會有時躲在房間哭，真係唔知點算！

張詠恩視角
話說今日第五日穿越，Janet 媽都冇發現我有咩奇怪，Janet 爸又經常早出晚歸，基本上我地好少講野，更加唔會發現我的真實身分。但Janet 的家庭問題真係令我感到好震驚。

我仲記得我同Janet 第一次見面的情況：
嗰日係中一迎新日，我覺得好開心，因為我同Felix 同班，我地已經習慣咗有對方陪伴。當時有遊戲要三個人一組，大部分的同學都已經分曬組，剩下Janet 坐係旁邊。我同Felix 就邀請佢同我地一組，我記得佢係冇表情，呢個時候我就講咗句

「有個人叫小明，但小明無理佢。」(讀出黎先明）





Felix 呆咗，Janet 都呆咗。好明顯D個係個爛到冇朋友的爛gag。

過咗5秒到，Janet 就笑咗：「嘩！什麽笑話？邊會有人笑！」

「你咪笑咗囉！我係張詠恩，佢係許志峰 Felix ，好高興認識到你！」

「我係殷澄，你可以叫我Janet！」

就係咁，我地三個就變咗朋友，成日放學留係學校傾八掛，放假約出去睇戲行街，又上去Janet 屋企玩，都唔覺伯母有抑鬱。以前都冇聽Janet 講過屋企嘅事。估唔到佢要面對D種問題。





而家係夜晚九點，伯母終於收工，翻到屋企。

「殷澄！我翻工已經夠辛苦啦，你阿爸又去鬼混，我D個做人阿媽嘅已經夠慘啦！今日學校仲要打黎話你上個禮拜嘅考試好差，可能要drop 科。

好心你就生生性性，我唔想冇咗個家庭，又冇埋你呀。」

「媽～」

「其實我係咪好失敗，比唔到個幸福家庭你，又成日做野唔理你，我真係全世界最差嘅阿媽！」伯母攞起旁邊嘅玻璃樽，打落枱面，意圖傷害自己。





「唔好！」我行過去擁抱著她說：「我應承你我會認真讀書，平時同你講多D我的學校生活。無論你幾忙，你永遠都係一個好媽媽！所以請你唔好傷害你自己。」

伯母冷靜之後，我就開始收拾玻璃碎，看着她睡着之後才敢離開她的房間。我真心覺得她很可憐，我身為「殷澄」應該要好好照顧她，免得真正的殷澄擔心。

我覺得自己都需要冷靜下，所以我去咗屋企附近的海旁散步。我諗緊如果我翻番去自己的時空，做番張詠恩，伯母會唔會失去咗個女。我嘅家人而家又點......我開始流下眼淚。

「喂殷澄！你係度做咩呀？」有把男聲出現，竟然係 Felix ！