如何回到當時？: chap.3

張詠恩視角
話説我好似真係穿越翻咗去八年前，第一日嘅時候，我以為自己發緊夢，但原來唔係。我已經穿越咗四日，我開始有D驚翻唔番去我自己的時空，做唔番張詠恩。

呢四日係星期六、日、一同二，我就同Janet 媽講受完傷想休息兩日之後先番學。無錯！穿越到中四梗係要番學啦，但係我而家係Janet 又唔係自己，如果比人發現可能會令到Janet 媽咪擔心、老師允輔導組，社工等等，協助「我」重回正軌，淨係諗一諗都驚。惟有繼續扮Janet 。

「殷澄！請你答D條數學題！」
「殷澄！殷澄」老師行過來拍我張枱話：「殷同學你冇撞親個頭，唔該你認真D！」

唉～我仲未適應呢個新身份。同埋一個出咗黎社會工作唧人點會仲記得點計數。我望住條題目：Sin(360-60)
好彩我以前中學嗰陣年年考頭十，所以我略略有印象




「係-sin60 」

老師問：「請解釋。」

「符號看象限，基變偶不變。」

老師繼續講：「睇來你終於有去補習，繼續努力，唔好再好似之前咁唔認真，成績又差！」

下課鐘聲響起，終於到期待已久的lunch time。





Felix 行過來說：「殷澄！今日食咩好？阿恩話唔想食熱氣野。」

「咁不如食台灣野，我想食刀削麵。」

詠恩行過來話：「好呀！不過要快，我仲要番黎見老師。」

睇黎佢地完全冇發現我有仼何異樣，實在可喜可賀。我叫了個炸豬排蕃茄湯底刀削麵，嘩！嗰種味道係好耐都冇試過。

詠恩説：「我英文考得好差啊！點算呀～人地天生出黎就咁叻～」





Felix 說：「都過咗去啦！下次再努力咪得囉。」

望見眼前的境況，我笑了，我以前就係咁着重成績，成日放負。我說：「其實一科半科啫，大個之後都冇咩用。」

詠恩開始嬲：「算啦！唔明就算！我食完了，我翻學校先。」

Felix :「殷澄，阿恩近排壓力好似好大，佢又就快生日，不如我地一齊整份禮物比佢，同佢慶祝，令佢開心D！」

我話：「好呀！」自己整禮物比自己好似有D搞笑。不過係我印象之中，我好似冇收過Felix 同 Janet 一齊整嘅禮物，亦冇咩印象點解我頭先會發咁大脾氣。我淨係記得我下個月生日完咗之後嗰個禮拜，Felix 就同咗Janet 表白仲成功咗，正式宣佈一齊。但係而家的Janet 係邊呢？

許志峰視角
今日係穿越到未來的第四日，我開始覺得有D怪，殷澄平時頭兩日脾氣好好，但今日唔知點解聽到我話收到中學同學聚會的邀請想去，就大發脾氣，話要睇住嗰女。明明可以帶埋嗰女去，點解會咁。

仲有一樣野都好怪，今朝一起身就見到牆上掛住咗好多殷澄中學時期考第一名的奬狀，但我記得殷澄讀書唔叻，點會考第一，D獎狀又突然之間出現，究竟發生咩事？Grace 的blog 好似有講過佢曾經試過觸發蝴蝶效應。