如何回到當時？: chap.4.2

「喂殷澄！你係度做咩呀？」有把男聲出現，竟然係 Felix ！

「冇呀，散心囉！你呢？」我用手拭乾眼淚。

「練跑囉，我係個男神黎㗎！要型就要運動。」

「你係男神？咪玩啦！咁我都做到女神啦。」

「識講笑就即係無問題啦！你有咩煩惱呀？唔怕講比我聽喎，我唔會講出去。」





佢真係Felix ，關心別人的性格一直無變，亦係我覺得佢可以交心的原因。「原本我覺得我一直都好關心留意我的好朋友，佢有問題我會同佢分擔，原來唔係......

我好掛住我的生活，我的家人，我的朋友，我有好多野唔可以講，我好驚我會一直被困在這裏......」

Felix 撫摸我的頭頂說：「我係你的知心好友，我可以同你分擔㗎！我就唔問你細節啦，以前唔了解朋友，咪而家了解番同關心翻囉。知道家人的重要咪愛多D囉。支持支持！十卜十卜！」

佢真係永遠都咁真心，咁值得人信任。

「我要繼續跑步，keep 住個男神look ，聽日翻學見！開心D呀！」





「bye and thx! 」

訓醒覺之後就去翻學，翻到學校見到Felix 向我做咗個嘴巴封上拉鏈的動作，仲俾個叻我。我笑咗，但同時我感到有種不善的目光正望著我們，令我打冷震。

我而家要做嘅就係要扮演好殷澄呢個角色，唔好要伯母擔心。同埋尋找穿越番我的時空的方法。

許志峰視角
「老公，你係咪想去參加中學同學聚會？不如我地帶埋嗰女去？」

吓！你之前有話唔去，而家又話去，搞咩呀？其實呢幾日一直係到變，我都開始習慣，說：「好呀！」我都想見下大家的變化。





此時我收到個訊息
由張詠恩送出
「70345 940134 」
又唔係電話號碼，究竟係咩黎？

當天晚上，我發夢見到一個可愛的女仔，明明唔開心但扮堅強，真係好得意。