嗰日放學，女神同吾顯眼嘅我表白【愛情】【校園】【武俠】: 第二頁：對象竟然係我－遇見編

啓文：「都會留意下架嘛～」兩個口水雞撈米線到咗「凡夫俗子講咁多做咩啊～食嘢喇」

走嗰陣先發現，原來曉琳同另一個friend都係度食。啓文，你講嘅嘢俾佢聽到晒啦～

我上堂嘅時候，必須精神好+心情好，如果唔係一係瞓覺或者枱底打機。反正有家姐補習，有個40名就知足啦～

啓文因為矮(164-5)，所以只可以吸引到小妹妹，其他人就嫌佢太矮，佢又唔鍾意太細個，所以一直單身「靚仔有咩用呀 你咁矮」啓文：「shut up！」「矮仔」啓文：「just call me the 巨人」「哈比族王子」

miss：「重溫上年啲嘢先」之後我哋枱面就多咗一份甲一題目，合埋眼都識做....





過咗一陣之後
miss拍醒我：「做完唔好瞓覺 Check下答案」我敷衍佢離開「得...得得得...得得」啓文：「Check乜鬼呀 都啱晒㗎啦」

你以為我哋全班都係咁？全班數學好得四五個，其他到而家仲奮鬥緊

數學miss同時係我哋班主任，完咗班主任節之後就放學。啓文：「阿聰 放學得唔得閑？」「得嘅～做咩？」「同我去個地方」「想姦咗我呀？」「係吖 306號房吖屌」

我同啓文去咗新田圍個籃球場，啓文：「我上去拎啲嘢再落嚟」「喳喳臨啦」之後佢就上咗去，我一個係球場等

之後有個女學生身影走過嚟：「hello～」我抬頭一望「嗯？」係曉琳！？曉琳：「今日應該有人同你講我要同你表白㗎...」「嚇？」「思瑜應該有同你講㗎」原來思瑜意思係話佢想同我表白！我要求學校將佢中文由中一重新讀起...





「Er...」曉琳佢其實真係幾靚，頭髮顏色啡啡地，空氣劉海丶頭尾分開三側，一側後面兩側喺前面，而且無打cake丶開叉；膚色偏白，亮晶晶嘅大眼，鼻小薄唇，塊面又唔會太多肉。

曉琳：「咁點先～」「咩點呀？」曉琳：「我中意你」講完之後就俾咗個笑容我，個笑容真係好甜。點解我好似有啲心動嘅感覺...

待續