嗰日放學，女神同吾顯眼嘅我表白【愛情】【校園】【武俠】: 第三頁：好吧我接受你－遇見編

一時之間都唔知點反應好......一般人都唔識溝通，突然被級女神表白，你叫我點反應......

曉琳耷低頭(面紅)：「可吾可以同我一齊～」「咁突然嘅 仲要而家先識你添」曉琳：「你一早識我㗎啦！」「嚇！」曉琳：「細細個幼稚園嗰陣」「sorry...細個幼稚園嘅嘢我吾想諗起...」曉琳：「你係咪有啲吾開心嘅經歷 sorry呀...」

「你真係想同我一齊？」琳琳：「係呀～」「得嘅～」琳琳捉住我雙手開心到跳起：「好嘢～」佢隻手好滑......「使唔使咁興奮...」之後就嘴落我度，我成塊面好似比熨斗熨過咁，呢種感覺係第一次...

琳琳：「落咗訂啦 你係我㗎啦」我仲呆緊。琳琳拎出電話：「入你個電話～」「哦...啊 好呀」之後佢拎起我隻手指公，佢將我兩個手指set落佢部iPhone指紋密碼鎖度。

琳琳：「拎你電話嚟」我拎出我部iPhone8，佢做返同樣嘅嘢，入電話＋set指紋





［whatsapp－啓文］
啓文：「頂 我出唔到去 你返去先啦」

琳琳：「你朋友話出唔到嚟喎」「嚇！」係咪點我...拉咗我嚟又放我飛機......琳琳：「咁不你陪我吖」「Er...」琳琳：「行啦」

即興約會開始
我哋搭巴士去新城市，琳琳：「你中吾中意我」我一直望住前面窗風景：「唔 幾啦」

琳琳：「你住邊㗎～」「美田」琳琳：「你鍾唔鍾意做運動」「一般啦」琳琳扁嘴：「吾好咁冷淡啦」除非識咗好耐，如果唔係我一般都係比較冷淡...可能係自我保護嘅一種...





過咗幾秒
「嘩！痛呀」琳琳咬住我手臂，咬咗幾秒之後放口「好痛呀」琳琳撓手望另一邊：「鬼叫你吾理人 哼！」我揞住個手「唔知講咩吖嘛！」琳琳搓我塊面：「哎也！」俾佢搞左成程車終於到

一落車佢就拖住我隻手，等一次同女仔約會丶拖手(吾計家姐阿妹)，緊張到出汗...

琳琳：「陪我去睇鞋！」之後就拉咗我上扶手電梯去買鞋嗰層

待續