嗰日放學，女神同吾顯眼嘅我表白【愛情】【校園】【武俠】: 第一頁：厭世為人思想－遇見編

講到「令孤」大家都會諗起令狐沖，其實「令狐」係一個姓。

大家好我叫令狐聰，今年中四
我個性格一向好奇怪，從來都唔鍾意被世上的任何禮法所束縛。

因為我覺得咁樣好似帶住個面具咁，啱就係啱，唔啱就係唔啱，一般都比較難被人接受，所以無咩朋友。

後來索性自己一個，慢慢就已經變成一種習慣。但係都叫有個朋友－啓文，我就170，佢矮我半個頭，但係幾靚仔。啲人都叫佢哈比文。

今日係開學第三日




啓文：「喂 你睇下 曉琳 盈芝 嘉琪 呀！」佢哋係邊個？佢哋咪係級女神囉。三個成日行埋一齊，都幾養眼㗎。

好多人追佢地，可能因為同凡塵脫節咗，對於追佢哋嘅興趣並唔大。

思瑜：「喂 曉琳原來有鍾意嘅人喎」思瑜由上年第一學段已經坐係我隔離坐到而家，所以都叫有偈傾下，同曉琳都幾friend。我真係冇咩興趣，因為又唔係我。托住個頭咁講：「哦 係咩」

思瑜：「佢同我講 佢會今日表白～」「原來係咁」思瑜：「你冇興趣咩？你哋個女神喎」「唔好將我歸類落去」思瑜：「你唔好咁悶啦」

我而家只係想快啲星期六......
啓文：「一陣食唔食lunch」「今日星期幾？」啓文：「星期四」「咁去食口水雞囉」





我哋學校後面有間「川味雞烤魚大王」嗰度嘅口水雞逢星期二四六超好食，點解淨係星期二四六先好食？因為雙數日同單數日嘅師傅唔同

「阿姨有冇位」阿姨：「無呀 隔離大店啦～」間店好奇怪，隔住一間餐廳就有個分店，唔夠位可以過去

「照舊」寫好餐紙交被阿姨「吾該～」阿姨：「嘢飲自己攞～」「zero」啓文拎咗兩支zero過嚟：「喂 聽講C班個曉琳佢今日表白喎」

「係咩」啓文：「思瑜同我講㗎」大家唔好以為思瑜好口疏，其實個麻甩佬同我同啓文係班上面比較friend先同我地講「關你同我鬼事咩 你中意隔離學校嗰個咩咩燕㗎」啓文：「咁呢個梗係啦」

待續