《純愛》平安夜的天使 (完): 第五十八章

第五十八章

「叮叮叮⋯啪！」

「嗯～吓！」

唔係掛！我個電話鬧鐘點解set咗喺12點先響嘅！唉⋯ 出門到cafe都起碼要成個半鐘⋯ 生日先黎遲大到⋯ 比個電話俾Priscilla,希望佢可以網開一面啦⋯

••••••••••••••••••••••••••••••••••••••••••••••••





「你哋準備好喇嘛？」

倫：「未得呀！個蛋糕起碼要成多個幾鐘先整好⋯」

「吾吾吾～」電話嘅震動聲

Priscilla:「喂？Marcus呀？哦⋯咁你慢慢黎呀，順便去買埋啲咖啡豆呀。咁你食埋嘢同買埋啲豆先返呀⋯ 啊！同埋個咖啡機嘅零件喎！點解？因為Lavina喺到，咁你同我老公咪可以用兩部機去沖囉，唔講住先喇！有客呀！係咁！」

我：「Priscilla姐好嘢～」





倫：「妳又係嘅，琴晚先同我哋講話要搞生日party⋯」

我：「Haha，咁鬼叫阿遊佢一直留喺cafe唔出去咩⋯」

Mel:「曉桐姐妳又係嘅⋯好在我今日得閒啫⋯如果唔係就尷尬喇⋯話時話呀，你點搞到阿哥遲到㗎？佢平時最多遲半個鐘，但妳一嘢搞到佢遲咗成三個幾鐘。」

我：「咁佢係『標準工作狂』黎㗎嘛～所以我咪估佢應該係聽到鬧鐘響先起身囉～」我當然唔會講我喺佢間房到瞓過⋯

Mel:「呢樣連我都唔知喎😯曉桐姐好嘢～」





我：「哈哈～都係估下啫⋯」
「其他人都差唔多喇嘛？」我對住Priscilla姐講

Priscilla：「當然啦！」

我：「ok！快啲set好個場，俾阿遊一個surprise喇～」

••••••••••••••••••••••••••••••••••••••••••••••••

我：「ok...」被cut線之後，我先啱啱出門口⋯ 無計，我一起身就馬上衝去沖涼同換衫⋯ 打完黎先同我講慢慢黎⋯
「入返屋煮埋麵先再出門口⋯」
=================================

嗰年係我同Kelsey一齊嘅第一年生日，我一起身就見到佢喺廳到等我⋯





Kelsey:「起身喇～懶瞓豬～」

我：「早⋯早⋯吓！」我擘大清楚對眼，估唔到作為懶床怪嘅Kelsey竟然會咁早起身⋯

Kelsey：「咁我諗唔到送咩俾你吖嘛～所⋯所以我咪諗住送我自己俾你囉⋯030」

我：「唉⋯妳一早就係我㗎喇⋯點解⋯」

Kelsey：「咁我咪攞埋個人黎囉！唔好講住喇～我煮咗早餐呀～食喇⋯」

我：「係～」

=================================

「估唔到咁就過咗五年⋯」





昔日嗰個溫暖、安全嘅家，現加只剩返我一個人⋯



「當你覺得感情變淡嘅時候，試想返你當初願意愛佢嘅原因⋯」