《純愛》平安夜的天使 (完): 第五十七章

第五十七章

「你啱啱等咗好耐呀？」

「無～等咗半個鐘到啫～」

喺返緊cafe嘅途中，佢身上著住白色恤衫同西褲，睇黎佢一定係喺學校換定衫先會咁遲⋯

Lavina:「乜你咁講嘢㗎～一般男仔都會答『唔係呀，我都係啱啱到啫』咁㗎嘛～」





我：「咁我不嬲都唔跟劇本做人㗎喇～俾妳估到我仲洗做人～」

Lavina:「你不嬲都俾我估到哂㗎喇～喺到懶醒～😏」

我：「係喇係喇⋯小姐姐～」

之後我哋進入咗一片寧靜嘅狀態，我哋互相交換一個眼神，但都無出到聲⋯ 經歷咗咁多嘢，佢所認知嘅我比我所知嘅仲多好多，我所有嘅喜怒哀樂，除咗兄弟同Kelsey之外，佢係唯一一個真心明白我同體諒我嘅人⋯但⋯我可唔可以俾佢入黎呢⋯

「係呢⋯你生日就到喇喎⋯你有冇咩plan咁呀？」曉桐嘅疑問將我從腦海中拉返出黎





我：「無呀⋯我由細到大都唔慶祝生日嘅⋯」因為我好明白，生日慶祝只係一種自我安慰，唯一作用就係提醒自己「你又嘥咗一年喇」，所以⋯毫無意義可言⋯

Lavina:「咁又唔係嘅~睇你過去嗰一年過成點㗎啫～」

我：「又讀我心⋯不過，妳都無講錯嘅⋯」

Lavina:「係咪因為Kelsey呀？」

我：「佢以前都有咁同我講過類似嘅嘢⋯」





=================================

我：「慶乜鬼嘢祝呀⋯專心諗間鋪喺邊到開先講喇⋯」

Kelsey：「唔得呀！你生日邊有可能唔重要㗎！」

我：「我話唔搞就唔搞啦！」

Kelsey:「咁我重唔重要？」

我：「重要！」

Kelsey:「咁我同你一齊嗰一年重唔重要？」

我：「當然重要喇⋯」





Kelsey：「咁我當係慶祝我同你過咗一年咁得未？」

我：「吓⋯」

Kelsey:「你話過去嗰一年重要吖嘛～」佢用一個就喊嘅樣望住我⋯

我：「唉⋯好好好，搞就搞啦。但我唔負責㗎～」雖然最尾都係我找返數⋯

Kelsey:「好嘢～」

=================================

Lavina:「哦～」





我：「咁妳係咪想搞party呀？」

Lavina:「唔知呢～咁就要睇你覺得呢一年重唔重要喇～」

我：「唉⋯服咗妳⋯」



「我哋每一日嘅人生，都係有助我哋成長同改變，因為總有啲你預計唔到嘅事會發生」