《純愛》平安夜的天使 (完): 第五十九章

第五十九章

「唉⋯一買就要買咁大袋嘢⋯」

食完碗麵之後就坐地鐵去西貢攞咖啡機零件，平時呢啲嘢都係佢兩公婆搞嘅，因為佢哋有車⋯ 同埋佢哋平時都係打完電話訂貨先咗去嘅，但係⋯

售貨員：「唔好意思呀⋯你哋訂嘅嗰部咖啡機要聽日先到喎⋯」吓⋯我由九龍出黎，到屯門買豆，再黎到西貢攞機，結果同我講話未攞得⋯

我：「哦⋯😅唔該哂⋯」咁大整蠱都有嘅⋯ 打個電話俾阿倫問清楚先⋯
「你所打嘅電話號碼暫時未能接通⋯」唔撚係呀⋯佢應該去咗廁所⋯打俾曉桐試下⋯




「你所打嘅電話號碼暫時⋯」唉⋯返到去cafe先再算⋯

行到cafe門口，見到入面一片黑暗⋯

「咦？熄哂燈嘅？我喺後門入囉⋯」

行到入去之後，我做去櫃臺到開燈，喺開燈嗰一瞬間⋯

「Surprise!」「啊啊啊！」





我被嚇到成個人仆咗落地⋯

我：「好痛呀⋯」

Lavina:「人哋生日就食蛋糕，你生日就食灰塵～你果然真係『唔跟劇本做人』喎～😏」

我：「喂⋯唔係吖話⋯ 連你兩個都陪佢癲呀⋯」

Priscilla：「姐妹叫到，我當然要跟啦～」阿倫就算喇⋯老婆叫到，逆她者死⋯





我：「妳哋兩個就算喇⋯但點解連你哋都黎埋嘅⋯」

輝：「我兄弟今日生日，當過黎攞餐免費晚餐囉⋯」

Jody:「Hi... 阿遊⋯好耐無見⋯」佢係阿輝嘅老婆，我都係只喺阿輝婚禮上面見過佢一次，所以同佢都唔係太熟⋯

我：「好耐無見⋯ 要妳日日忍住呢條麻甩佬，真係辛苦哂⋯」

Jody:「唔會唔會，佢照顧得我好好㗎⋯」

輝：「你條死仔遊呀，啱啱講我咩壞話？🤨我不知對我老婆嘅好呀～」睇到Jody都有身紀都差唔多7個幾月，但都無唔似一般孕婦嘅任何心理變化，都睇得出阿輝係照顧都好周到嘅。

我：「知你兩個恩愛到極喇⋯」

「黎黎黎～開餐喇喂～」返到黎嘅阿倫攞住一盒盒嘅pizza同埋沙律入到黎




「今晚同聽日放假，當係俾阿遊嘅生日禮物⋯」

我：「喂⋯今日已經無做嘢㗎喇⋯聽日仲休息⋯」

倫：「咁你係咪唔俾我哋休息呀？」

我：「點敢呢～我say no，你老婆say yes，都係要實行㗎喇⋯」

Priscilla:「Yes!」

眾人：「哈哈哈」

Lavina:「黎～為我哋嘅老細兼一級咖啡師：何永遊乾杯～」

眾人：「cheers~」





我：「『一級咖啡師』係咩事⋯😅」

Lavina:「我鐘意講呀～唔得咩？030」

我：「哼⋯事但妳😌」

以前所失去嘅回憶，而加嘅俾一個突然其來嘅天使喺我生命中出現，喚醒咗我以前所遺失嘅回憶⋯多謝妳，周曉桐⋯


「我哋好難去忘記令我哋心痛嘅回憶，因為每一次都係助我哋成長」