《純愛》平安夜的天使 (完): 第五十六章

第五十六章

「唉⋯又要等大小姐⋯」

過咗大約兩個禮拜之後，曉桐嘅傷勢都已經大致好返哂，咁我都唔洗再上佢屋企包沙布喇⋯ 上去嗰兩個禮拜當中，我不斷嘗試喺佢間房到搵啲線索，但除左件校服之外，我真係咩都搵唔到，而喺後衫領寫嘅名過咗多年之後，啲筆跡都化開哂，只忍約見到有個細階「e」字⋯玩嘢咩⋯ 大把女仔名都有個e字啦⋯

佢好返之後就如常返學，而嗰條痴線佬就俾學校停學加守行為，當算係俾咗個合理交代我同曉桐。同埋經過咗呢單嘢之後，好多識曉桐嘅fd都已經認定咗我係佢嘅男朋友⋯咁做戲就要做全套⋯唉⋯死就死啦⋯

靠喺門口等緊佢嘅時候⋯





「喂，嗰個咪Lavina個⋯」

「喂喂喂⋯佢咪嗰日抱走Lavina嗰個男仔⋯」

唉⋯聽到呢啲嘢我都一於少理，一邊睇ig一邊當呢啲閒言閒語係耳邊風算⋯呢啲語氣通常都係啲八掛人士或者妒忌嘅人先講嘅嘢以前都聽慣哂⋯只不過對象唔同咗啫⋯同埋，我心裏面係有啲爽嘅⋯

=================================

Kelsey:「喂～」





我:「Hi...」

Kelsey:「做咩係咁唉聲嘆氣呀030？」

我：「唉⋯」我指住喺隔離啲「聲眾」

Kelsey:「算啦～佢哋遲啲就唔會再講㗎啦～」

我：「唉⋯煩到唔知點講好呀真係⋯」





Kelsey:「咁你係咪想佢哋收聲呀？」

我：「當然想啦！」

Kelsey：「咁⋯就⋯分⋯」

我：「唔好呀！老婆！」

Kelsey:「乖喇～」
「喂！你哋！」佢對住啲聽緊我哋講嘢嘅人講
「我哋呢！就唔會分手嘅，要講嘅就講飽佢啦～」

=================================

「真係俾佢威返次⋯」





？：「邊個喺你面前威咁勁呀？」呢個咁熟悉嘅聲線喺我耳邊發出

我：「總之唔係妳啦，傻婆～」我如常咁輕輕彈一下佢額頭

Lavina:「好痛呀！」佢馬上遮住額頭
「你彈到個傷口呀⋯」

我：「吓！無⋯無嘢吖嘛？」

Lavina:「講笑咋⋯哈哈～你嗰個嚇到眼都凸埋個樣好好呀～」

我：「咁多好笑嘢唔講，係要笑呢啲⋯」

Lavina:「咁鬼叫你一直喺到發佝瞀咩030」講完便馬上跑去地鐵站




「快啲啦，我唔想又俾Priscilla省呀～」

我：「妳就唔會，我會啫⋯」

Lavina:「係喎⋯haha~」




「記憶除咗攞黎記知識或公式之外，亦都可以同應該攞黎回想下人間嘅美好同光芒」