《純愛》平安夜的天使 (完): 第五十三章

第五十三章

「好嘢～唔洗住院～」

「算妳好彩啦～」

等咗大約個幾鐘之後，個女醫生就話佢額頭上有雖然有傷口，但只係好淺，聽到呢個喜訊之後我都終於可以放下心頭大石。而當醫生要幫佢做全身檢查嘅時候，我當然要出房啦！雖然我係想睇，但我要出去，廢時阻住醫生⋯咁話哂我都係男人黎㗎嘛⋯ 希望無咩事啦⋯

Lavina:「嗯～你啱啱喺出面嘅時候有冇諗衰嘢呀～😏」開門無聲嘅！嚇死人咩！





我：「無⋯無呀！」喂！正常男人點會答妳「有呀」咁㗎？妳係當我有咁咸濕㗎咩！

Lavina：「哈哈～」
「我就係知你係男人先咁問啦！衰佬～😏」啊啊啊！讀心好煩呀！妳快啲同我去死呀！唔好再讀呀！啊啊啊！
「哈哈～你啲反應好好笑呀！」
「佢淨係叫我除一件衫咋～無除哂呀！」

我：「我唔想知呀！」

Lavina:「哈哈～知你怕羞喇～」




「咁我哋要食咩好呀？我頭先淨係諗住要入院，都無諗過寫嘢⋯」

我：「我都唔知⋯」正係掛住理曉桐都唔記得醫肚⋯
「吾～」個肚都響當當咁⋯唉！今晚睇黎要捱杯麵⋯

Lavina:「咁不如買個M記先再上我屋企囉～」聽落唔錯喎～咪住先！

我：「上⋯上⋯上妳屋企！？」

Lavina:「咁我啲衫喺哂我屋企吖嘛～加上我又唔識包紗布⋯」





我：「紗布咋喎😅洗唔洗我現加教⋯」

Lavina:「你驚上我屋企咩？🤨」唔係驚，係好驚！
「放心啦～我屋企無啤酒㗎！」咁好啲⋯喂唔啱喎！我都無諗過啤酒呢樣嘢！
「我話你要上黎就上黎啦！今日病人大哂！😤」

我：「嗯⋯好呀⋯哼哼😅」

Lavina：「乖喇～」睇黎今晚有排受⋯


「如果對住自己愛嘅人都唔卸下心防，我諗會係一件好可惜嘅事，因為你哋仲係兩個分裂嘅個體」