《純愛》平安夜的天使 (完): 第五十二章

第五十二章

「都估到妳㗎喇⋯」

「咁都俾我呃到～HaHa~」

上咗架的士之後，Lavina喺車裏面「滿血復活」，應該話：佢根本就無扣過血⋯

我：「妳個衰婆明明幾分鐘前仲跳跳擇、識博嘴咁，就知妳扮嘢啦⋯」





Lavina:「但你都一枝箭飛埋黎接我喎～」嗰刻真心好驚妳會離我而去，所以先會咁做⋯

我：「我現加好後悔㗎，應該由妳仆底😏」

Lavina:「不過，我係信你會接住我，我先會咁做⋯」不過，我卻一時衝動諗住自己去幫佢解決，對唔住⋯
「同埋呀！以後唔準再咁嬲喇吓！」

我：「What!?」

Lavina：「因為咁樣我睇唔到你諗咩呀030」原來係咁咋⋯




「就係咁咋😝」

我：「咁妳都應承我，妳唔好再令我擔心呀！」我唔想無咗妳⋯我⋯我⋯

Lavina：「你放心啦～我咁聰明伶俐～」

我彈一彈頭佢額頭同佢講：「係呀，聰明呀！『聰落廁所第一明』呀」

Lavina：「喂呀～妳好無聊呀～」佢打算還手，但⋯
「啊啊啊⋯好痛呀！」





我：「妳傷成咁就唔好郁啦！啱啱行兩步都已經要扶住個門口啦⋯」咁樣令到我好心痛⋯我唔想⋯
「係呢⋯妳當初點識嗰條友㗎，妳之後盡量唔好同佢接觸好啲呀⋯」因為我唔想再見到妳傷痕累累咁嘅樣⋯

Lavina：「我只係知道佢好似患咗情緒病，有次見佢俾人bully，我咪幫佢叫阿sir咁囉⋯⋯點知之後佢就好似成隻跟尾狗咁日日跟住我喇⋯真係好心害自己⋯」善良真係好咩？無啦啦咁幫一個素未謀面嘅人，最終害埋自己，咁值得咩⋯
「我唔後悔呀～因為我現加有你喺度吖嘛～」真係呢⋯啊係！差啲唔記得問⋯

我：「話時話，點解你會寫我做妳嘅緊急聯絡人㗎⋯」

Lavina:「咁我喺香港無人無物，得你哋我可以信得過⋯所以就諗住咪攞鋪頭電話囉，同埋阿Mel比咗你個電話number比我，所以⋯」原來又關佢事⋯
「同埋～」

「嗯嗯⋯」我電話嘅震動聲

「我只係要你黎帶我走！😊」佢現加嘅笑容同個emoji一樣，嫣紅而美麗⋯





我：「啊！原來一早就攞咗我電話嘅～妳個衰婆真係呀～」

Lavina:「咁日日都見㗎喇，要傾都當面傾哂啦！」又真係俾佢講中喎。基本上佢日日一放學就黎cafe，又真係日日見⋯

我：「咁又係⋯」

Lavina:「同埋⋯同你whatsapp我咪唔知你諗緊咩囉(•̀ω•́)✧」佢仲要一本正經咁講啲咁嘅嘢⋯

我：「我真心俾妳吹脹⋯」

Lavina:「吹呀吹，呀這風吹～」

我：「妳仲好意思話我無聊喎⋯」到咗瑪嘉烈，我落車先⋯






「係咪要孭呀？周病人？」

「算你啦～」


「身體嘅傷害可以恢復，但心嘅傷害只會永遠喺到，無法復原」