《純愛》平安夜的天使 (完): 第五十四章

第五十四章

「嗯⋯曉桐呀⋯」

「唔放呀！」

我原本係上黎包紗布㗎啫⋯點解會搞到俾佢騎住㗎⋯又話屋企無啤酒嘅⋯點解會搞成咁㗎⋯

「haha...你今晚唔準走呀～」





=================================
一講就要講返出咗醫院之後⋯ 我孭住曉桐去買完M記之後就上咗佢屋企先，喺孭到樓下大堂嘅時候⋯

保：「先生，請問你係？」就喺我想答佢話係曉桐嘅親戚嘅時候⋯

Lavina：「哦，阿姨呀～佢係我男朋友呀！我今日傷咗，所以叫佢送我返黎啫⋯幫我哋開一開門呀！」

保：「無⋯無問題！入黎呀！」

我：「唔⋯唔該晒⋯」講完我便一嘢衝入𨋢，好尷尬⋯





Lavina:「做咩啫？現加做你女朋友好失禮你咩？030」

我：「唔係呀小姐...😅咁我又唔係真係你男朋友吖嘛⋯咁點都有啲尷尬㗎姐姐⋯」

Lavina：「嗯⋯」睇到佢聽完我嘅回答之後有啲悶悶不樂咁，但我都唔可以話俾佢知「其實我都鐘意妳」，因為我知道自己並無呢個資格⋯

入到佢屋企之後

我：「嘩！」我驚訝嘅唔係佢屋企有幾「大」，我驚訝嘅係同我屋企有幾「似」⋯




「唔怪得知佢上次會入錯房⋯」

Lavina:「係咪好似樣呢～」

我：「真係好似一樣⋯啲電制位都一樣添喎～」啲燈制位、廁所、廚房、兩間主人房、大廳⋯ 撇除啲家私嗰啲嘢之外，呢到根本就同我屋企一模一樣⋯

Lavina:「仲係到怪我吖喇～食嘢啦！」

我：「妳係主人，妳話事囉～」
「喂我幫妳包埋紗布我就走㗎喇⋯」

Lavina:「知喇～」

食完嘢之後，佢就去咗雪櫃攞嘢，之後就入咗廁所⋯我諗應該係攞啲護膚品咁啫，而且現加真係有啲護膚品係要雪藏嘅，何況Kelsey都有用過⋯所以我不以為意⋯





咁我就坐係廳到睇電視，睇睇下就趴喺梳化到瞓著咗⋯

瞓瞓下嘅時候感覺到有咩壓住我個身體⋯　
「唔係掛⋯俾鬼壓！？」當我想擘大眼嘅時候，我聞到一股好濃嘅啤酒味，同埋見到滿地嘅啤酒罐⋯

Lavina:「阿遊～我要抱抱～」OMG! 上次都算係，起碼我都係醒㗎⋯今次⋯我無救啦⋯
「發現目標啦～捕獲～」佢一嘢抓實咗我條腰，我坐唔係起身⋯
(Ok,呢part係for 男讀者嘅 忍一忍🙈）

我一直都無講佢嘅身材，因為佢平時著衫都唔太暴露同顯眼，但佢沖完涼，只著咗件短T同短運動褲，入面仲要無著！佢貼到我背脊實一實！啊救命呀！你話我有冇起到機？緊係有啦！嗰種軟林林嘅感覺，有啲爽爽哋⋯啊唔係！同埋我係正常男人黎㗎！唔起嗰個先有問題呀！

我：「嗯⋯曉桐姐姐呀⋯可唔可以放一放開手呢⋯」

Lavina:「唔放！」唉⋯





=================================



「我哋要識得珍惜嘅唯一方法，係咪真係要當每一日係最後一日呢？」