《純愛》平安夜的天使 (完): 第二十九章

第二十九章

「咁我走先啦喎，多謝曬老細陪咗小妹妹一日遊😝」

「妳自己小心啲呀大傻婆～聽日見啦👋」

「bye bye/bye~」

到咗地鐵站同Lavina分開之後，我慢條斯理咁行返屋企，返到屋企沖個涼，之後諗住瞓啦咁⋯結果⋯





我：「唔掂喎⋯完全瞓唔著⋯」

我唯有出廳坐，試下會唔會好瞓啲啦咁⋯ 但衰在嗰晚仲要係滿月，所以喺廳到都特別光猛嘅⋯ 我就拉曬啲窗簾搞暗啲個廳，當我再坐返低喺梳化嘅時候，那少量嘅黯淡嘅月光照到我同Kelsey嘅合照⋯ 嗰張係我哋第一次約會(就係年尾嗰次約會)嘅時候喺摩天輪影嘅相，當初我認為佢只係想借我黎隔走啲兵仔，但估唔到⋯

=================================
(小弟建議：請一邊聽《誰來剪月光》一邊睇，會仲有feel啲㗎～)

Kelsey:「何永遊，我⋯我鐘意你！」

我：「吓⋯吓！妳⋯妳鐘意我！？我有咩好呀？😅」





Kelsey:「呃你做咩喎⋯⋯咁⋯人哋鐘意你係咪唔俾先030？」

我：「咁我有咩同其他男仔唔同呢？我又唔靚仔，又唔有錢，又唔幽默，妳同我⋯」喺我講嘅時候佢一直笑...
「有⋯有咩咁好笑呢😅」

Kelsey:「哈哈～你啲反應同我諗嘅一模一樣😂」睇黎似係俾人玩，唔係比人整蠱呀⋯
「你都知我唔係一般女仔黎㗎～」咁佢真係嘅⋯唔收兵唔落bar，帶隻副眼鏡斯斯文文咁⋯ 咁都無理由會鐘意我呀⋯
「我鐘意你係因為我喺你眼中睇到自己，你亦都好可靠，識啲點plan自己嘅將來；雖然係負面啲⋯但我嘅陽光可以補返嘅～😁」由佢嘅眼神同笑容，我睇到佢心裏嘅單純同美，我好開心，搵到一個願意愛自己嘅人，一個天使⋯
「咁你⋯係咪嗯！」我一嘢錫咗落佢個咀到，錫咗五分鐘，嗰種甜，嗰種美⋯ 我永生難忘⋯





我：「妳已經攞咗我初吻啦～唔準走數～」

Kelsey：「呢句係我講先啱囉～」

我：「唔係呀～妳咁耐以黎都係A0?」

Kelsey：「鬼叫冇個男人啱我咩⋯ 你咪一樣！」

我：「我唔同喎～我讀男校～」

Kelsey:「啫係搞gay啦🤨」

我：「唔係！係⋯係有喺補習社識過幾個女仔咁囉⋯」





Kelsey扮嬲咁話:「哦！！你個初吻係呃我嘅！」

我：「我無錫呀！頂多拖手仔⋯」

Kelsey：「我唔信呀！我⋯」我再錫多佢一次黎塞著佢把口
「衰人⋯正係識偷襲人，哼030」

我：「唉得啦～ 下次唔敢啦女朋友大人～」

Kelsey細細聲咁講:「下次⋯」
「唔該！」佢同一個路人叫到
「可唔可以幫我哋影一張相呀？」

我：「做⋯做咩要影相呀？」





Kelsey：「冇咩呀～見今日終於遇到自己想愛嘅人，所以咪影低佢記念下囉～」

「唔該曬，幫我哋喺摩天輪下面影呀唔該～」佢同嗰個陌生人講


？：「好呀！黎，一、二⋯」



「梁敏晴⋯」

「做咩呀？」

「我愛妳！」臨影之前我從心而發嘅一句





「我都愛你😊」

咔嚓～

=================================

嗰張我第一張笑得最開心、從心而發嘅滿足，都喺呢一張相、亦都係唯一一張上展現咗出黎⋯


「Kelsey...對唔住⋯」


月亮是個兇手，想妳的我，是通緝犯⋯






「想念，對某啲人黎講，係喜悅；但亦對某啲人黎講，係折磨」