《純愛》平安夜的天使 (完): 第三十章

第三十章

「叮叮叮⋯⋯啪！」

「原來已經咁早㗎喇⋯唉⋯起身返cafe~」過咗嗰日之後嘅兩個月，諗起Kelsey嘅次數比以前少咗，可能係因為Lavina嘅關係啦，我自己都唔知⋯我係咪真係係時候放低佢呢⋯

「咦？呢個係？」我無聊打開ig睇下，見到有個好熟悉嘅名想follow我：
「Angel_c」

我個ig本身係開咗private嘅，follow得我嘅都係啲中學、大學嘅同學同老師，所以基本上我無咩follower，得大約七、八十個到⋯ 呢個「Angel」⋯ 會唔會係嗰個「Angel」呢？





我比咗permission佢，之後都follow返佢，禮尚往來咁。開咗佢個ig黎睇，發現都有啲風景相呀，美食相咁⋯ 但佢又開咗private，同咁少follower(同我嘅差唔多)應該都係個分帳黎㗎啫⋯不過，當俾自己個ig多啲嘢睇下囉⋯

返到餐廳之後～

「嗯⋯」

「做咩企定定喺度呢阿何生？乜現加要扶阿婆過馬路咩？」阿倫一個標準傾斜45度咁望住我，而我就攞住枝掃把企咗喺度，成轆電燈柱；衰在我又生得高，仲格外明顯⋯

我：「冇⋯係諗緊啲嘢啫⋯」





倫：「又有啲咩俾你可以諗呀？」

我：「過黎～」我拉佢到角落，近玻璃窗嗰邊

倫：「做咩呀？你好少何會咁㗎喎～係咪同Lavina有關嘅㗎😏」

我：「痴線關佢咩事啫？」

倫：「講下啫～洗唔洗咁緊張呀～」





我：「唉⋯我係諗緊⋯」大約我同佢講嘅內容係：有個疑似小學同學嘅人加我ig，但唔太肯定係咪佢咁⋯ 我當然唔可以話俾佢知我同Angel嘅過去啦！如果唔係佢就會話「你條友係咪傻㗎？都過咗咁耐啦！你仲掛住佢！？人哋都可能有男朋友啦⋯ 你唔好FF啦！專心諗去自己或者追Lavina啦!我真係服咗你呀⋯」所以⋯ 都係唔好講俾佢知好啲⋯

倫：「咁點解唔直接問呢？」

我：「咁⋯咁好尷尬㗎喎⋯」尤其佢有可能係Angel…

倫：「與其喺到左諗右諗，倒不如直接問⋯又唔係你問完之後就會無啦啦死咗⋯你估拍緊《午夜凶鈴》咩？」

我：「唉⋯唔夠你啲爛gag黎，我等間問啦～」

倫：「咁開得工未呢？我唔想又俾老婆省呀😒」

我：「得得得！開工開工～」








「我哋每個人嘅過去都會有錯失嘅愛情，而當佢回首一望時，請你好好把握」