《純愛》平安夜的天使 (完): 前傳五(完)

前傳五(完)

「Kelsey...」

嗰個女仔走咗之後，我返到屋企,執一執地下啲玻璃碎。之後坐喺個梳化到，諗下之後嘅人生點過，冇咗佢⋯我成個人好似冇咗靈魂咁，不斷咁讀佢個名⋯

「Kelsey...」坐咗喺到幾個鐘，腦中不斷repeat住同佢嘅回憶，我哋第一次見面，我哋嘅初吻，我第一次孭佢，佢嘅笑容，佢嘅溫度⋯

「係你害死我㗎⋯⋯」哈⋯ 幻聽都黎埋





「點解你可以咁無用⋯」收聲⋯

「點解死嗰個唔係你⋯」收聲。

「你跑快多少少，我就唔洗死啦⋯」

「收聲呀！！！」我嗰刻好嬲，因為呢啲唔係佢會講嘅嘢，但卻係由佢把聲發出⋯

我企起身，想去浴室沖個涼，但我醉到企都企唔穩，仆咗係Kelsey間房門口，發現無閂到,我行入去睇下





粉藍色嘅床單，白色嘅被單，勾起一段好深刻嘅回憶
=================================

嗰日我啱啱返學返黎，聽到Kelsey喺間房到喊，我見況第一時間衝入去

我：「做咩呀傻妹？」我坐喺佢床邊，輕撫佢個頭

Kelsey:「無⋯無嘢呀⋯」口中說不，身體卻很誠實，佢身邊啲紙巾同佢嗰對紅過紅豆嘅眼証明咗一切⋯

我：「無嘢咁我走啦喎～」我起身扮行出門口，迫佢講嘅最好方法





Kelsey:「好⋯ 我講⋯」works ever time

我坐返底：「做咩呀？妳好少喊㗎喎～」

Kelsey:「我夢見到你喺我面前消失咗，點搵都搵唔到你⋯」佢講完又開始喊

我：「衰妹，亂諗嘢，放心啦。我會一直係妳身邊㗎，點⋯」話都未完，佢就一嘢咀埋黎塞住我把口10分鐘

咀完之後，佢用好誘惑嘅聲線係我耳邊講：「我今日就要你～」

我：「咁⋯好囉！」馬上黎個下馬威，男上女下⋯

我：「hehe... and you’re mine now~」





Kelsey:「嗯😊」
=================================

「原來係咁⋯傻妹⋯」我鐘意明白點解佢點解會咁諗⋯

我最後喺佢張床瞓著咗...








第二晨，我比電話鈴聲噪醒咗





我：「喂⋯」

倫：「喂，點呀你？洗唔洗請幾個月假先呀？返正啱啱開始，唔會太多客⋯」

Kelsey嘅遺產，由我黎保護

我：「唔洗！我現加返黎。」

倫：「吓！你⋯你肯定？」

我好堅決咁講：「我話返就返啦！ok?」

倫：「fine... 記得執返正個樣呀。」





我：「係咁啦，89」

Kelsey⋯對唔住我當時保護唔到妳，但⋯你剩下落黎嘅嘢，我會用餘下落黎嘅時間黎替你好好咁保護佢哋。我會永遠愛妳⋯ 如果下生再有機會遇到妳嘅話，我會好好咁保護妳，並做埋我應承咗妳嘅嘢⋯



「梁敏晴小姐，will you marry me?」

「嗯😊」