《純愛》平安夜的天使 (完): 前傳四

前傳四

「下一站尖沙咀，next station’s Tsim Sha Tsui⋯」

喺邊到開始，就喺邊結束⋯

「我黎啦，老婆⋯」

出咗地鐵之後，我喺7仔買咗一打啤酒，坐咗喺天星碼頭邊上啲欄杆上面飲。





「老婆⋯」

3罐⋯

「對唔住⋯」

6罐。

「我接受唔到無妳嘅世界⋯」





9罐

「妳記唔記得當時我比妳嘅承諾呀？我現加黎實行啦⋯」

12罐

「對唔住，我現加黎補償返比妳⋯」

我雙手鬆開，準備一躍而下嘅時候





？：「唔好呀！」

突然其來嘅呼喚，嚇到我馬上捉返實欄杆，我回頭一望，見到有個著住白色長裙嘅女仔，當時我已有啲醉，同埋無帶眼鏡，所以唔係好睇到佢個樣，只隱約見到佢帶眼鏡

我：「做咩呀⋯⋯ 我⋯⋯我嘆下海風咋嘛⋯哈哈😅⋯」比人發現咗⋯

？：「乜嘆風要飲咁多啤酒㗎咩？🤨」佢指住係地下啲空罐

我：「哈哈⋯咁唉⋯⋯呀⋯對唔住🙏」我合起雙手之後，向後一仆咗落地，好痛⋯

？：「哈哈⋯ 係咪有咩唔好開心呀？不如同姐姐講下～」如其話姐姐，似妹妹多啲囉⋯

我：「嗯，好呀⋯⋯」之後我同佢坐咗係其中一張木板凳到，我同佢講述咗我同Kelsey嘅經歷同失去佢嘅經過

?:「聽你咁講，我都好明白你會有咁嘅衝動⋯」





「因為我覺得如果死嗰個係你嘅話，我諗Kelsey都會咁諗⋯」

「不過⋯你不如試下諗返如果Kelsey知道咗你咁樣唔珍惜同咁唔負責任嘅行為會點少你呀啦？」

我：「佢會話我莫視咗其他珍惜我嘅人，同好自私⋯」我其實知道，但卻唔想理會⋯

?: 「同埋，我覺得⋯ 佢願意咁做係因為佢係真心愛你，係嗰種情況下，佢只好搶先成全你，咁你就好心就好好咁替佢過埋落去囉⋯」

我聽到之後，我已經再忍唔住喊咗出黎，因為我太愛佢，一直想借酒消愁同傷害自己。無視咗身邊嘅人，阿倫, Priscilla, 阿Mel...

？：「睇你個樣，應該已經諗通咗啦⋯」佢企起身
「我走先，我哋有緣再見啦👋。」之後就慢慢咁走咗去

我：「等等⋯」我叫住佢





？：「做咩？想溝我呀？」

我：「點解要幫我？」

？：「因為你有幫過我⋯」佢越講越細聲，面開始慢慢變紅

我：「我哋見過？」

？：「當⋯當我無講啦⋯⋯ 唔講啦，我走先啦！」

我：「喂！起碼比個名黎呀⋯⋯」

？：「兩個字，no呀！」





我：「咁講嘢架⋯⋯」

?:「將來有機會嘅話，咪話你知囉😜」

我：「好啦，88👋」

？：「88👋」



「無論點理性嘅人，都會有衝動嘅時候，所以，喺你去做之前，諗諗你身邊嘅人⋯」