《純愛》平安夜的天使 (完): 前傳三

前傳三

「今日嘅天氣非常炎熱，氣溫32度，相對濕度係⋯」

「Bo!」玻璃樽掉落地下嘅聲音

知道咗Kelsey唔喺到之後，留咗院幾日。之後就買酒咗幾打啤酒，將自己封閉起黎。Kelsey嘅喪禮我都無去到，因為我唔敢面對佢。會出去嘅原因就只因為肚餓或屋企無哂啤酒。

阿Mel用後備鎖匙開門，之後問:「喂！你點呀？」全名Melody,我一般都叫佢阿Mel.佢係我嘅堂妹，不過都係喺幾年前先相認返，佢之前有段時間同佢阿爸阿媽吵架，所以我比咗條後備鎖匙佢，以便佢有時要上黎借宿. 佢入Kelsey間房瞓，而Kelsey就入我房瞓。
=================================




Mel:「喂你兩公婆可唔可以閃少陣呀，食緊飯㗎！」

我：「咩啫，呢到我屋企黎㗎嘛。」

Kelsey:「算啦阿遊，等間先啦。係喎，阿Mel妳最鐘意嗰條仔追咗妳未呀？」

我：「咦！睇中咗條仔呀？比張相黎睇下～😏」

Mel:「喂呀！Kelsey姐。都話咗只係朋友咯。」
佢指住我，發現咗我喺到偷笑




「你唔準笑呀！😠」

我：「好喇好喇，等睇妳著婚紗㗎。」

Mel:「喂呀！」

我/Kelsey:「哈哈哈⋯」
=================================

Mel:「你肚唔肚餓呀？我買咗⋯ 嘩!做咩成地玻璃碎呀！喂！你隻手流緊血呀！」





以前我好憎飲酒，覺得啲酒好苦澀，都唔知啲人點解會鐘意飲⋯ 現加我明了，因為心裹嘅苦比酒既更苦⋯

「你唔好郁呀！我去攞繃帶。」

我：「嗯⋯」

包紮好之後

Mel:「唔好咁啦！比Kelsey姐見到打死你都似呀⋯⋯」

我：「我寧願死嗰個係我⋯ 起碼佢可以喺到⋯」

Mel:「喂呀！你起碼食啲嘢先啦，你個樣頹到咁⋯」





我：「妳由我啦⋯」

Mel:「唉！咁我放低份麥記抬面，你想食就食啦！嗱！你應承我今日出去行下呀！」之後佢就出門口走咗

我企係身，見到張抬份雞翼全餐
=================================
Kelsey:「老公呀～我好肚餓呀～」

我：「咁你想食麥記點茶記呀？」

Kelsey:「當然麥記啦！🤤 啲雞翼咁好食～」

我：「好囉，行咯～」
=================================





我好嬲，亦都好傷心。我嬲自己點解死嗰個唔係我呀，點解我唔直接拋佢上roadblock,點解佢要推開我，咁起碼死都係一齊⋯ 其實我知道原因，但我唔想接受，所以我個心痛，不斷打自己隻手，希望手嘅痛可以蓋過心中嘅痛⋯

我跪咗係到，身心無力。好唔想生存，好想死⋯

我：「老婆，我黎陪妳啦。」


「其中一方傷心嘅原因，就係因為佢哋無共同進退。」