今年暑假，我去咗“機場”打工: 三十一
我知道，小嵐只係好平常咁送個客人走。
但係。。。我心入面。
始終好糾結、介懷。
返去更衣室之後，我一直都心不在焉，提唔起勁。
表哥同發仔，都察覺出我唔妥，問我咩事。
但我唔好意思同佢地講，話我介意緊，小嵐撓住另一個男人。
我驚佢地會覺得我小器。。。
所以，我只係同佢地講，冇事。。。
做野期間，我腦中不停有好多問題浮現。
究竟小嵐同個青年傾乜？？？
唔通個青年同小嵐講緊我？？？
小嵐撓住青年時係咩心態？？？
小嵐會唔會開始睇唔起我？？？
。。。。。。。
臨收工前，我呆呆下咁企喺吹風筒個位度。
手機一震，係小嵐嘅wtsapp。
「阿邦，好耶！就快收工喇，陣間食咩好呀？」
我揸住手機，呆咗下，再覆。
「你話事啦。」
小嵐：「咁不如。。。帶Jessie去試下間茶樓仔吖，我又想食奶皇包呀，哈哈。。。」
「哦，好呀。」
現代人溝通，好多時都會用到wtsapp。
但我發現，Wtsapp有個弊端。
就係談話時，好難體會到話者喺表達過程中嘅情感。
字裡行間，小嵐應該唔知道，其實我並唔開心。
小嵐：「好耶，咁陣間見吖！」
「嗯，咁陣間見。」
放低手機後，我問問表哥同發仔，陣間食唔食宵夜。
但佢地話陣間有波睇，所以唔去。
放得工。
我執好晒啲野之後，想靜一靜。
所以我自己行咗出門口。
點知，一出到黎，就見到紫繞正喺度吞雲吐霧。。。
「喂，做乜自己一個貢出黎嘅？」
紫繞一開口，就流露出mk的味道。
「冇。。。表哥佢地唔食，我咪出咗黎先，等小嵐佢地。」
「哦。。。係呀？」
紫繞朝著夜空，吐出一口煙。
我突然間諗返起。。。
如果嗰日，唔係見到紫繞入咗機場，我應該唔會夠勇氣入黎做，更加唔會識到Jessie同小嵐。
亦唔會。。。見到小嵐撓住第二個男人而唔開心。。。
「唉。。。」
諗諗下，我竟然不自覺咁唉咗出黎。
紫繞皺皺眉，望住我。
「做咩事嘆氣呀？」
我搖搖頭。
「冇事。。。」
紫繞面對住我。
「妖！男人老狗，有野就講啦！」
「真係冇野呢。。。」
如果話畀紫繞聽，我介意緊小嵐撓住個客。
我應該會畀佢屌到上朗豪坊天台。
「唔講就算！有小嵐做你女友，你執到啦，仲有咩好愁喎？」
我低下頭，冇回應紫繞。
紫繞佢走到我面前。。。
用手托高我頭。
我疑惑地望住佢。
然後紫繞佢一野，又向住我塊面噴煙！
「咳咳咳咳。。。喂搞咩呀。。咳咳。。。」
我咳到半死，而紫繞條死mk妹就，仰天大笑。
「哈哈。。。係咩即刻開心返啲呢？駛唔駛整支煙你食？」
「咳咳。。。唔駛呀！咳咳。。。死mk妹！」
「咩話？你講咩話？」
「咳咳。。。。。冇呀。。。。」
「哼！」
紫繞側過身去。
而我仲咳緊。。。
「你唔想講咩事，我都唔會勉強你，但係如果你有野要人幫手，開句聲吖！我一定盡幫！」
「咳咳。。。唔駛啦。」
紫繞再對返住我。
「妖！客咩氣。我當你係Friend架喇，有咩事，我都實撐你架！」
我慢慢緩過氣。
「嗯。。。多謝你。」
紫繞笑笑。
「哈哈，唔駛多謝，我唔係個個當Friend架，上次見你咁有義氣，我先肯接納你咋。」
接納？點解話接納我？當我係更生人士咩！
mk妹真係mk妹！
我假笑幾下回應。
「咳咳。。。」
個肺仲好痕呀屌！
紫繞瞄一瞄我，走過來掃掃我背脊，道。
「噴你一野啫，駛唔駛咳得咁誇張呀？！」
我用我僅餘嘅氣力，怒睥住紫繞。
「喂！你地做緊咩呀？」
望過去，Jessie、小嵐同月兒，啱啱從門口出黎。
Jessie快步走過黎，再道。
「哦。。。你地做咩喺度掃背？！怏啲講！」
我望望小嵐，佢撓住雙手睥我。
「um。。。。」
我未知講乜好。紫繞佢指一指我。
「依條柒頭囉，被我啲煙濁親，我咪幫佢掃下。」
Jessie聽完，望向我。
「吓？咁仲有冇事？」
「冇事喇。。。咳咳。。。。」
屌！我就快咳完一年嘅份量喇！
Jessie見我咳成咁，佢溫柔地，一手輕放在我肩，而另一隻手，上下咁掃我心口。
而紫繞佢，都仲掃緊我背脊。
前後都被兩個靚女掃緊。。。
依一刻嘅畫面，我覺得自己好似國王。
但係小嵐見到，即刻嬲到鼓起泡腮。
小嵐用力dup住腳步走過黎，然後一下撓住我手臂。
「喂呀，阿邦係我架，你地唔好掂佢呀！」小嵐用嬌嫩嘅語氣說出。
說完，小嵐的臉頰貼在我手臂。。。
唉，可惡的我。
竟然係而家，諗起小嵐撓住個青年嘅畫面。。。
「唓，貪你條仔咩！」紫繞撇一撇手。
而Jessie仲掃緊我心口。
小嵐用嬲嬲樣，睥住Jessie。
Jessie無奈咁放開手，好似投降咁退後。
月兒望住我地，道。
「哈哈。。。好喇，不如傾下我地食咩好吖。」
小嵐雀躍的道。
「不如去食茶樓仔吖，有好多點心食架。。。」
紫繞：「吓，但係我唔想食咁多野喎，不如食甜品算啦。」
Jessie：「Um。。。我都想食西米露。。。月兒你呢？」
聽到二人嘅反對，小嵐即刻扁起小嘴。
月兒望望小嵐，道。
「吓，我。。。冇乜所謂呀，睇阿邦啦。」
月兒失驚無神交個波黎，搞到我反應唔切。
幾個女仔嘅目光，同時投放在我身上。
「我。。。其實。。。都想食茶樓多啲，嗌少啲野食吖，同埋好似都有糖水食架。」
小嵐笑得甜甜的望住我。
然後攬緊我手臂，我都能感受到佢綿綿嘅胸部。
紫繞：「超！你實幫住你條女架啦，不過算啦，今次聽你講，茶樓就茶樓啦。」
「嗯。。。」
取得共識後。
紫繞佢地三個女仔行前排，而小嵐就撓住我行後排。。。
小嵐一直嬌滴滴地撓住我手臂。
我望一望佢。
我開始怪責自己，點解會諗咁多無謂野。
搞到自己唔開心，我真係蠢到應該拎去填堆！
我：「um。。。小嵐呀。。。」
「嗯？」
小嵐望向我。
我：「冇。。。我想講，我。。。愛你。」
「嗯嗯，我都係，做咩冇啦啦咁講嘅？傻傻地咁。」
「係囉，我真係好傻。。。」
「嘻嘻，唔緊要啦，傻得黎，我。。。幾鍾意聽。」
小嵐把臉哄貼住我心臂。
她笑出的氣，烘暖了我的皮膚。
我會心微笑，然後用手摸摸佢頭。
我地去返，上次我同小嵐食嘅茶樓。
揀咗一張木色的圓摺枱。
一坐低，開咗茶之後。
小嵐個傻妹，即刻拎住張貼心紙，走向茶樓門口，在一棟棟的蒸籠旁邊。
紫繞佢見況，即刻舉手道。
「喂，等埋，我又要去睇下有咩食！」
紫繞語畢站起來。
而月兒都跟她一起，走向門口。
桌子只剩我和Jessie。。。
我：「um。。。Jessie，你想食咩呀？你唔出去揀嘅？」
「哦，我想食你。。。」
吓？我以為自己聽錯。
但Jessie佢，正嬌媚的望住我。
佢應該真係咁講。。。
「哈哈。。。我唔好食架。。。冇乜肉地架。」
我尷尬咁應佢，又尷尬咁拎起杯茶飲。
「唔係吖。你下面。。。幾有肉地呀。。。」
噴。。。。
飲緊茶嘅我，頓時噴返出來。
茶水反彈的顏射了我。
我狼狽咁用紙巾抹面。
Jessie就掩住嘴巴，恥笑住我。
「哈哈。。。你唔好咁kai啦。。。」
「哈。。。哈。。。哈。。。」
之後，小嵐佢地，拎咗幾籠點心返黎，數量唔多，應該啱啱好夠食。
但係小嵐個傻妹，又拎咗兩籠奶皇包返黎。
紫繞一坐低，就即刻拿出投訴之刀。
「阿邦呀，你條女真係傻傻地架，死都話要拎兩籠奶皇包！」
小嵐滿意的笑得瞇眼。
「哈哈，唔緊要啦，實食得晒嘅。。。」
紫繞：「哦！食唔晒，你包底呀！」
「哼！好呀！」
小嵐先拔頭籌，拎起一個奶皇包，搣開兩半食。
我望下小嵐個傻樣，冇佢收咁搖搖頭。
之後我拿起筷子，揀下食咩點心先。。。
此時。。。。
Jessie拿起筷子，筷子頭放在嘴唇邊，然後。。。
佢凝望著我，柔聲細氣的講。
「阿邦呀。。。我可唔可以。。。食你條腸呀？」
我手中嘅筷子，應聲墜落在，豉汁排骨之上。
此刻，我feel到，成間茶樓嘅目光，都投放在我身上，包括門口買緊外賣嘅路人丁。
我口都震埋應道。
「吓。。咩話。。。咩。。。腸呀？。。。。」
Jessie伸出舌尖，舔舔筷子。
然後她稍稍的昂一昂頭，示意我望到桌上。
我面前。。。。。
係一碟白滑鮮蝦腸。
Jessie：「我想食你前面嗰碟腸粉呀，你幫我夾吖。。。」
語畢，Jessie把碗，遞向我面前。
我一雙膊頭，頓時放鬆到，跌咗落地下。
「哦。。。好。。。我幫你夾。」
「唔該你呀。。。阿邦。」
Jessie接過我條腸粉後。
我再拎出紙巾，抹抹額頭嘅汗水。
點知，紫繞笑笑口咁講。
「Jessie呀，乜你咁講野架，啱先我聽落仲以為，你想食阿邦下面條腸呀！哈哈。。。你講野之前，要睇下環境嘛，小嵐佢喺度架！」
屌！你！咩！！！！！！！！！！
死mk妹！！！
你又識睇環境咩？扮聽錯咪算囉，你仲咁樣突登講出黎！！！
我真係好有衝動！好想即刻塞條腸。。。粉，入去紫繞個口入面！
等你條死mk妹，亂咁講野吖嗱！
我望望旁邊嘅小嵐。
只見，小嵐仲傻傻下咁，陶醉的品嚐著奶皇包。
小嵐留意到眾人嘅目光後。
傻傻咁咬著包，應道。
「嗯？？？」
我即刻搶先開口。
「咳咳咳咳！！！紫繞呀，不如你食野先啦。」
我眼中，帶著一股殺氣望住紫繞。
今次，紫繞都被我氣場震攝到！
紫繞：「哦。。。好。。。食野食野。。。」
我用氣場震一震攝紫繞之後，我地開始真係夾點心食喇。
但係冇食一陣，紫繞條mk妹又忍唔住口，開始出聲。
好彩佢今次唔係亂講野，而係講佢返工時嘅野，又憑空示範下佢調酒技巧咁。
講真，雖然平日睇紫繞，係個口沒遮攔嘅mk妹。
但當睇住佢滿腔熱血，向我地細心咁講解調酒嘅時侯。
我發覺佢都幾charm。
紫繞佢愈講愈high，手舞足蹈咁示範埋。我地都冇乜空間搭嘴。
佢旁邊嘅Jessie，正托住頭，側向住紫繞，好專注咁聽紫繞講野。
我諗返起，上次喺海旁，Jessie都係好耐心，眼帶溫柔咁聽我長篇大論。
我望住，唔再眉頭深鎖的Jessie，真係令人舒心。
我決定獎勵下自己，夾件燒賣食下先。
此時，我感覺到。。。
有野係枱底下，撩我隻腳。
我眉頭，皺出一絲疑惑。
其動作很輕，上下來回，掃盪我的小腿內側。
莫明的觸感，令我止不住的，打咗個小冷震。
如果我冇估錯。。。
我望向對面。
托住頭嘅Jessie，正專心的聆聽紫繞講話。
但感受到我目光後。。。
Jessie裝作不經意的，望咗我一眼。。。
然後含住笑的，望返住紫繞。
睇黎，真係Jessie撩緊我。。。
我呼一口氣，抵受住Jessie嘅暗渡陳"撩"。
Jessie的腿，上下咁掃完我小腿內側，然後就掃外側。
我小腿的神經，畀佢嫵媚嘅撩動。。。
刺激沿住我腿部，慢慢爬升，終於到了嗰度。
巨龍慢慢的抬起頭，龍身亦愈來愈硬。
不一會兒，堅挺嘅巨龍，頂住了褲頭。
Jessie佢在枱下，不斷用腿撩動我。
而在枱上，就假裝沒事的，傾計食野，只有時不時的，偷瞄下我。
啊。。。好難頂呀。。。。。
雖然難頂！但係我都要頂住！
唔係頂住褲頭呀！係要頂住誘惑呀！！！
我望望旁邊嘅小嵐。。。
只見佢仲傻更更咁，食緊包。
枱底下，Jessie仍在輕慢的撩撥著。
這偷偷摸摸的禁忌觸感，令我的思緒愈來愈混亂。。。
唔得喇！我要做返啲野喇！！！
我一手！！！
抓住小嵐隻右手，當佢仲揸住半邊奶皇包。
「阿邦呀。。。咩。。事呀？」
我望望小嵐，再望住Jessie。
「冇。。。突然想拖住你隻手啫。。。哈哈。哈哈。。」
只見Jessie佢嬲嬲地咁，瞇住眼望我。
嗱！Jessie你睇到啦，我對小嵐係好情深架！
嗯！我真係做得好好！我簡直係貞忠不二嘅代表呀！
如果係古代，我估我直頭可以攞貞節牌坊添！
點知。。。拖住小嵐嘅手唔夠３秒，小嵐佢就縮開咗手。
「阿邦呀。。。不如陣間再拖吖。。。我想食包先。」
「吓。。。哦。」
Jessie佢掩住口笑咗一下。
而紫繞條死mk妹，仲拍手恥笑。
「哈哈。。。哎呀。。。輸咗畀舊奶皇包喎。。。好柒呀。」
唔多出聲嘅月兒，聽完之後，都噗哧一聲咁笑出黎。。。
霸氣盡失嘅我，低下頭繼續食野。
Jessie：「紫繞，你唔好咁衰啦。」
紫繞條mk妹，縮一縮肩道。
「哈哈。講下笑啫。」
Jessie然後，托住頭，嫵媚的凝望住我。
「阿邦呀，你。。。OK呀呵？」
枱下，佢隻腿又在撩動我小腿內側。。。
「嗯？點啫你。。。你唔介意？。。。」
「吓。。。我。。。」
其實我介意呀。。。你唔好再撩啦。。。好攞命呀。。。
巨龍愈黎愈難頂，好似想從褲鏈中，解脫出來咁。
唔得！我要把持住！我好愛小嵐架！
我側望小嵐。
只見小嵐佢，仲喺度好滿足，成個傻妹咁食緊包。
而Jessie仲係唔放過我，不斷地撩緊我。
而家嘅情況，令我忽發奇想。。。
我著咗一身古裝，變咗一個大臣。
而Jessie就化身為，穿著羅紗嘅妖姬，想將我邀去敵國。
佢不斷不斷的，用各式各樣的方法色誘我。。。
而小嵐，就是頭頂冕冠，穿住一身皇袍的，傻得可愛的皇帝。
唔得！我絕對唔會做出背叛之事架！
但奈何，妖姬Jessie，不斷的拉扯住我，快要把我扯離小嵐。
快要失守的我，把手伸向傻皇帝小嵐，向佢吶喊。
但係小嵐卻，懵下懵下的，開開心心咁食包。
完全不知我處境。
陛下呀！小人就快畀人勾咗去喇！！！
陛下！！！！！！！！！