今年暑假，我去咗“機場”打工: 三十二
成餐宵夜，Jessie耐唔中咁撩我隻腳。
我望望佢，佢笑笑口咁扮冇野，同其他人傾計。
好過份，其禁忌的快感，令我成餐都扯住扯住。。。
「呼。。。好飽呀，埋單未呀？要起身行下先得喇。。。」紫繞撐住肚，用牙籤撩住牙。
「嗯，我都好飽呀。。。」
小嵐都摸摸肚子。
「好啦，咁等我計計幾錢。」
只見月兒拿起張點心卡，再對住價錢牌計數。
不消一會，月兒就計算好了。
「每人32蚊吖。」
睇唔出，月兒係咁精打細算。
當眾人都開始拎錢時，小嵐叫停咗Jessie。
「Jessie，依餐我請你吖，今日唔該晒你呀。。。」
Jessie揚揚手。
「唔駛啦，傻妹。」
小嵐皺起堅持的眉頭。
「唔制呀。。。我要報答返你，我先會安樂啲架。」
見到小嵐咁有心，Jessie只好接受小嵐嘅好意。
Jessie微笑點點頭道：「咁多謝晒你。」
小嵐：「嘻嘻，唔駛客氣。」
然後，紫繞少有的，支支吾吾的說。
「um。。。但係小嵐呀，Jessie今日就幫咗你啫，但如果個陳sir，遲啲再黎，搵你麻煩咁點算？」
紫繞的說話，甚有道理。
陳sir知道小嵐喺機場返工。
如果佢賤到一個點，真係以後成日黎搵小嵐。。。
甚至，如果佢以此威脅小嵐，要小嵐做啲不妥之事。。。
我唔敢再猜想落去。
大家都沉默一會後。
月兒道：「um。。。我估唔會嘅，個陳sir自己都為人師表，傳咗出去，對佢都冇好處啦。」
月兒都講得啱，斷估陳sir都會在意自己嘅名聲。
然後紫繞拍一拍胸口，豪壯的說。
「唔駛驚！如果個陳sir有咩動作，我幫你搞掂佢！」
Jessie：「你想點樣搞掂？。。。你唔係想。。。？」
紫繞：「放心，唔會買起佢。。。可能搵人兇兇佢，畀啲教訓佢。咁斷估佢都唔敢再玩野！」
紫繞講嘅，可以話係冇辦法之中嘅辦法。
我望望小嵐，佢在擔心的放空。
我捉住佢隻手，道。
「唔駛咁擔心，冇事嘅。」
小嵐聽後才稍為舒坦。
埋咗單後，我地照舊，Jessie佢地三個行前排，我同小嵐行後排。
我拖住小嵐隻手，但我見到佢仲係悶悶不樂咁。
「小嵐，唔駛咁擔心啦。。。我一定唔會畀你有事！」
「嗯。。。」
小嵐的回應，依然冇乜力量。
無力得，令我不禁猜想，小嵐佢係咪。。。根本唔指望我可以保護到佢。
我地沿住彌敦道行，行行下，有把男聲從我地身後傳來。
如果我冇聽錯。。。
「小嵐呀。。。小嵐，等埋呀。」
我同小嵐回過頭去。
果然，真係陳sir。。。
陳sir急步的走過來，喘住氣說。
「小嵐呀。。。我啱啱返過去搵你，先知你原來放咗工，我有啲野想同你傾。。。」
見到佢氣來氣喘咁衝過黎。
小嵐明顯有啲嚇親，躲到我手臂後。
而我即刻稍挺起胸，向住陳sir，為小嵐擋住佢。
陳sir：「我冇惡意架，淨係想同小嵐傾兩句咋。」
紫繞走了過來。
「有咩野傾呀？我地又要聽！」
陳sir佢露出難為的表情。
「但係。。。我想同小嵐單獨講。。。」
紫繞立即開屌。
「梗係唔得啦！有咩就喺依度講！」
我把小嵐側擁入懷，說。
「係，有咩事就喺度講。」
陳sir顯得猶豫不決。。。
「我真係冇惡意架，我真係想同小嵐傾兩句架咋，好快傾完。」
講真，要小嵐再見到陳sir，我已經唔情願，要佢地兩個獨處，更加冇可能。
正當我想代小嵐拒絕時，小嵐開口。
「我同你傾都得，但係，佢地一定要喺我附近！」
我：「吓。。。小嵐。」
「嗯，放心啦，唔會有事嘅，你地喺度架嘛。」
「。。。」
小嵐同陳sir行到不遠處，而我地就喺轉角位守候。
雖然聽唔到佢地講野，但可以一直睇住佢地。
Jessie：「唔知。。。個陳sir想傾乜呢？」
月兒：「應該係想講下，佢地以後點做。」
紫繞：「但係條淫蟲，會唔會立壞心腸架。。。」
我著緊的看著，如果陳sir夠膽欺負小嵐，我一定唔放過佢！
但係佢地，一直好平靜的傾緊野。
睇得出，多數係陳sir在講，小嵐只做簡單的回應。
正當我稍稍放心時。
陳sir。。。突然！
用雙手捉住小嵐嘅膊頭！
我立馬就衝過去，一手甩開陳sir的掣肘，再將佢推開。
「喂！你做咩呀？」
「我。。。冇做咩。。。」陳sir慌張的揮手。
我望住小嵐。
「小嵐，你冇事吖嘛？」
小嵐點點頭道：「嗯，我冇事。。。」
陳sir：「咁拜託你喇小嵐，唔該你。。。」
然後陳sir，鞠咗個躬，倉皇的離去。
我即刻問小嵐。
「小嵐，啱先陳sir同你講乜，佢做乜話拜託你嘅？」
小嵐：「冇呀。。。陳sir拜託我，唔好同人講佢去過機場，佢講佢有屋企，同埋做老師好忌畀人知去依種地方咁。。。」
紫繞：「咁佢冇威脅你吖嘛？要你做啲咩？」
小嵐搖搖頭。
「冇呀。」
月兒：「咁睇黎，佢驚你篤爆佢，多過你驚佢講出黎。」
小嵐：「嗯。。。」
Jessie：「咁就好喇，咁唔駛再擔心啦。」
小嵐都傻傻下咁笑笑。
「嗯。。。係呀！」
睇黎陳sir，以後都唔會再黎機場。
而且唔會將小嵐喺機場打工嘅事講出去。
又係嘅，陳sir有家室，而且仲係個老師。
揚咗出去，對佢嘅影響，可以話係毀滅性。
點都好啦，而家唔駛再擔心陳sir嘅事。。。
搞掂咗陳sir壇野，我地個個都心情放鬆晒。
我地一直有講有笑咁。
但唔同嘅係。
紫繞扯咗小嵐上前，同埋月兒一齊傾計。
搞到得返我同Jessie喺後排。
老尷症又發作。。。
我唔係好敢同Jessie講野，而Jessie都冇講野。
相反佢地三個，喺前排傾得興高采烈。
與我同Jessie，形成強烈嘅對比。
我偷瞄一下Jessie，佢都望一望我，然後笑笑。
我不敢再望，低下了頭。
點知，Jessie佢突然。
拖住我隻手。。。。。
Jessie拖住我隻手，仲盪咗幾下之後，我先有反應。。。
唔係下面有反應，係個腦有反應。
做乜冇啦啦拖住我？？！！！！
我即刻漂咗身快汗，再縮返隻手，望望前面。
成個行為好似偷野，驚畀人發現咁。
只見佢三個喺前面仲傾得好開心，完全冇發覺到。
我皺住眉頭，睥住Jessie，用眼神問佢做乜咁做。
只見，Jessie向我吐一吐舌，然後再含住笑咁望返前面。
睇黎佢，好享受咁樣嘅刺激感。
其實，我都有少少鐘意，但唔可以架！
一畀人見到就玩撚完。
為咗唔好再畀Jessie進犯，我將雙手插住褲袋咁行。
點知，Jessie愈行愈埋我。。。
點解咁行得咁貼我嘅？
我望望Jessie。
但佢只係笑住咁，望住前面行。
我同Jessie，手臀掂住手臀。
行行下。。。
Jessie頑皮的一笑，然後一下撓住我手臀。
柔軟嘅波餅突然其來，我由不得打咗個冷震。
依個冷震，有享受成分，同時亦有些嚇親。
我望一下前面，然後想縮返隻手。
點知Jessie唔肯放過我，仲箍到我實咗。
我望住倚偎住我側臂嘅Jessie。
佢得戚咁笑住，仲係唔肯放手。
死啦，如果畀佢地見到，就一定GG。
只見佢地仲傾緊計。
但係，傾傾下。。。
紫繞望緊中間嘅小嵐，側咗少少面過黎。
依個時候，Jessie佢即刻縮返手。
但係，由於動作有啲大，引到紫繞嘅注意。
「咦？你地搞咩呀？」
我除咗眼定定，唔知講乜好。。。
而Jessie，就笑住咁答。
「冇呀。。。啱先我隻手，有條蟲仔，阿邦幫我整走佢咋嘛。。。」
我望下Jessie，再對佢地講。
「係呀係呀。。。哈哈。。。」
「係咩？但係我覺得唔似喎。。。」
mk紫繞托住下巴。
死啦，唔通佢見到Jessie係撓住我？！！
小嵐問：「咩唔似呀？唔係咁。。。係點呀？」
紫繞笑一笑，道。
「冇。。。我覺得。。。阿邦柒柒下咁！睇落似佢驚蟲多啲啫！哈哈哈哈。」
我呼一口氣，原來佢話唔似，係咁解。。。
紫繞恥笑住，再繼續講。
「唔係唔係，我錯咗。阿邦佢，次次去小便都見到蟲仔架啦，仲點會驚。哈哈哈哈。。。」
笑甚麼！死mk妹！！！
你見過我條野咩？！
如果你見過，一定會嚇親呀！！！
一旁嘅月兒，噗哧一聲的笑出黎。
仲有呀月兒！你搵次光明正大咁笑得唔得？！！
笑笑鬧鬧的走了一會。。。
到了分別嘅街口。
我拖住小嵐，向大家互相揮手告別。
臨離別前，我見Jessie咬住唇，用不捨嘅眼神望我。
「拜拜。。。」
各散東西後，我送小嵐返屋企。
伯母佢返咗黎，小嵐今晚可以返屋企，但佢冇鎖匙，所以一定要伯母開門。
因此，我唔去得小嵐屋企。。。
送到小嵐，返到屋企門口前。
小嵐撒嬌的揮揮手。
「阿邦，拜拜喇。。。」
小嵐露出稍低下頭的無辜眼神。
「嗯。拜拜喇，小嵐。」
我都揮揮手。
小嵐甜甜的笑，然後伸開雙手。
「抱抱我吖，男朋友。」
正一傻妹黎。
「好呀！女朋友。」
我們在走廊，擁抱住。
唔捨得分開。
抱完之後，我地近望著彼此，哄近，再親吻起來。
結果弄了半個鐘，我先離去。
第二朝。。。
我一起身，就順勢攬去隔離，但小嵐唔喺我身旁，我落寞的撲了個空。
唉。。。好想晚晚攬住小嵐瞓。
我睇睇手機，發覺小嵐今朝好早on過wtsapp。
我wtsapp小嵐。
「咁早起身嘅？」
小嵐回復在線上。
「嗯，今日一早，就陪媽媽去睇醫生，佢依排成日頭暈。。。」
「吓？？！！！」
「係呀。。。唔知咩事呢。」
「放心啦，冇事嘅。」
「嗯，希望啦。」
本身我仲諗住，返工前同小嵐行下街。
但而家都係畀啲時間小嵐陪下伯母。
唯有返工先見面。
食完飯之後，我無聊上下facebook。
碌碌下，見到條影片，係講啲男朋友送禮物冧女朋友。
睇到啲女朋友個樣，充滿幸福同喜悅。
我決定，陣間臨返工前，早啲出旺角，睇下買啲咩送畀小嵐好！
我預早咗個幾鐘到旺角，第一站係去朗豪坊睇下送咩好。
但行咗一陣，我發覺到。
原來我，唔夠留意小嵐鐘意啲乜。
除咗聽歌，同奶皇包之外，我好似再諗唔到。
而家送禮物都唔知送咩好。。。
我wtsapp表哥，問下佢有咩意見。
表哥話，啱啱拍拖送野畀女仔，一定係送公仔！
等個女仔攬住個公仔嗰時，好似攬住你咁溫暖！
嗯，聽落好似幾有道理。。。
我即刻上去朗豪坊嘅高層。
入咗一間，賣唔同種類毛公仔嘅鋪頭。
依度嘅公仔，色彩繽紛，有大有細，唔知小嵐鐘意邊隻呢？？？
就喺我啱啱拎起個粉紅豬公仔上手時。。。
「喂，你男人老狗入黎依度做乜鳩呀？」
一聽把聲，就知係mk紫繞，我另轉身。。。
紫繞佢，著返我第一次見到佢著嗰套校服。
純白色，唔扣最上兩粒扭扣嘅恤衫。
下身係棕啡色嘅短裙。
最攞命，係佢今日著咗對長白襪，快到膝蓋咁長。
令到短裙與白襪之間嘅範圍，更令人想入非非。
「吓。。。我。。。想買野送畀小嵐啫！」
「哦。。。咁唔到你條青頭仔又幾有心。」
「嗯，係呢。。。」
我回過神。
「咩話？咩青頭仔？！！」
「哈哈哈哈，你仲係青頭仔，我一眼就睇得出啦。」
我怒睥咗佢一眼，跟住直接忽略佢，另過頭睇返粉紅豬。
「哎呀，你而家送畀幼稚園學生咩，你唔好咁鳩得唔得呀？」
原本我仲唔係好想理佢，但諗到，佢起碼係個女仔，可以畀到啲意見。
所以我另轉黎，謙虛的問。
「依隻唔好呀？咁送邊隻好。」
紫繞然後同我揀咗一陣，但都係揀唔啱，所以我地行多兩間鋪。
但都係搵唔到最啱心水嘅公仔，唔係啱我心水，係啱紫繞心水。
紫繞行到搲晒頭，道。
「唉，算鳩數啦，都係去第二度買，依度又貴又唔靚，你下次睇，我再陪你睇喇。」
「哦。。。好啦。」
我有點洩氣，唯有遲啲先送，都差唔多夠鐘返工喇。
就喺我地正打算行去開工時，紫繞突然指住前方。
「咦。。。你睇下嗰邊。」
我望過去，見到風姐一個人喺度。