被一個師姐收養咗【愛情】【校園】【武俠】: 第二頁：我與她的相遇－起源篇

呀媽佢放低封信之後我地就出咗門口，去到天馬大橋呢個所有去機場搵女主角嘅男主角都會塞車嘅地方......

明明前幾日仲好有錢，今日已經落到要飛的嘅地步...以前坐自己架車嗰陣舒服好多～

過咗一陣終於到咗
呀媽：「上機仲有一個鐘 我同你老豆去拎機票 順便行下 你都去食啲嘢先啦」「哦」

搵咗間靚靚哋嘅餐廳，等呀媽佢哋通知就過去，但係我等左好耐都未有消息，等下等下瞓着咗，醒返之後只有一段訊息

［whatsapp-呀媽］




呀媽：「呀仔 老豆嘅朋友最後都只係整到兩張飛，所以帶唔到你走，好對唔住......」

好啊，非常好啊。我咁大個人都未試過咁，我依家好迷惘，我用緊餘嘅錢俾埋今餐，依家身在一個崩都冇......

機票幾錢又冇，返去嘅錢又冇，我坐咗喺張凳度，唔知道等乜嘢。之後瞓着埋
.
.
.
未知：「喂～」慢慢撐開隻眼「唔？」一個幾靚嘅女仔係我面前，有啲熟口面咁喎。女仔：「你咪係好有錢嗰個師弟～」「你係？」女仔：「大家嘅女神」「即係邊個？」女仔：「蕭靖嵐～」「好似有啲印象」





靖嵐：「點解你係度嘅？」「我...」靖嵐：「嗯？」
［講返成件事］
靖嵐：「嚇？現實真係有呢啲父母㗎？咁你依㗎點算？」「我點知啫～」

「咁你又係度嘅？」靖嵐：「啱啱送daddy機」「送機？去旅行吖？」靖嵐：「唔係吖 我daddy係法國住㗎」「原來係咁～咁你又係香港嘅？」靖嵐：「我係香港長大㗎嘛 去嗰度住唔習慣 所以同佢講留返係香港」

靖嵐：「咁你點算吖？」「我吾知吖」靖嵐：「唉 冇理由dumb低你喺度㗎 嚟啦」「去邊吖？」靖嵐：「我屋企吖」「嚇！」靖嵐：「行啦」

今次真係我呢一世人第一次搭巴士同地鐵，唉
真係唔明點解明明上咗車仲要行嚟行去，個座位仲要咁硬丶加巴士啲車仲要係唔防太陽丶最緊要係巴士個冷氣仲要係用手自己擰......





待續