被一個師姐收養咗【愛情】【校園】【武俠】: 第三頁：簡管家的故事－起源篇

靖嵐：「你食咗飯未呀？」「啱啱係機場食咗」靖嵐：「咁你今晚想咩？」「黑松...無嘢啦 是旦啦」靖嵐：「吾緊啦」「是旦啦」......

今餐真係...我呢生人食過最平嘅一餐
食完飯之後，我想出一出去，靖嵐：「哦～早啲返喎」「唔」我飛的返咗去屋企。

屋企外圍已經貼晒膠紙，而且用鐵鏈鎖起咗道門。一把聲係我行傳過嚟：「少爺 你返咗嚟呀」擰轉頭，原來係簡管家「簡管家？」簡管家：「見到你平安咁就好啦～」

「咁耐以嚟 真係多謝哂你」簡管家：「真係好似發咗一埸夢咁」「係啦 簡管家你係度做咗幾耐？」

簡管家：「而已係好耐以前嘅事啦 廿五年前 我同老爺比武 條件就係 如果老爺贏咗 我就要係佢度做嘢；如果我贏咗 老爺就要全費資助我患咗癌症嘅細佬做手術 最後我輸咗 但係老爺都係照樣出錢被我細佬去做手術」





「原來有件咁嘅事」簡管家：「少爺 你仲記唔記得係你10歲嗰陣 你被人蝦 但係你話唔要靠屋企嘅力量打敗人 係咁求我教你打贏緊嘅方法」

「記得～你教咗我套少林派嘅玄空拳吖嘛～」簡管家：「冇錯 少爺你好有天份 一個星期就學完 但係後來打贏左之後就冇再練」

「係呢 咁你有咩打算呀？」簡管家：「我老啦 都係時候退休 我諗住返鄉下教下細路功夫～」

「咁你鄉下係邊度？得閑返去探下你～」簡管家：「係河南省鄭州市～」「我有時間一定會去探你～」

簡管家：「都夜㗎啦 係時候返去㗎啦」「好啦 再見啦～」簡管家：「再見啦 少爺」





返到屋企(靖嵐家)
靖嵐：「仲以為你唔返嚟添～」「啱啱返咗去屋企睇下」靖嵐：「原來係咁～你冇嘢吖嘛～」「無～」靖嵐：「你而家冇地方住吖可」「係」

靖嵐：「你想唔想係到住？」「可以咩？」靖嵐：「反正我一個人喺度住 只要你唔亂嚟嘅話～」「咁就打攪你啦～」靖嵐帶咗我去佢對面間房：「呢間就係你間房」「哦 好吖」

待續