被一個師姐收養咗【愛情】【校園】【武俠】: 第一頁：富家生活結束－起源篇

簡管家：「少爺 你返嚟嗱～」「家姐呢？」簡管家：「小姐佢同朋友去咗圖書館溫書吖」「係咁呀」

簡管家跟住我：「少爺 你今晚想食咩呀？」「冇咩胃口 求其幾個焗龍蝦 呀爸佢返嚟未呀？」去到客廳，簡管家：「老爺仲係美國吖」「係呀 咁算啦」［入房］

［瞓喺張床］
好無聊...慢慢瞓着咗
.
.
.
簡管家：「少爺 食得飯㗎啦」「眼瞓呀 唔想食 你同我倒咗佢吖」管家出到門口，［門外］女僕：「少爺又吾食呀 真係浪費呀...」





我繼續直接瞓到九點幾，起身之後去沖埋個涼。

［whatsapp－詠儀」
詠儀：「BB 瞓咗未♥️」
志康：「啱啱醒咗」
詠儀：「你前幾日話送條頸鍊被我㗎 唔准反口♥️」
志康：「得啦 天日叫人送過去」
詠儀：「你話㗎😘」





開靜音，繼續瞓......

第二日
「就係咁 送過去呢個地址吖」簡管家：「我知點做啦少爺 我依家搵人送過去」「唔」三萬幾，小數目嚟啫～

今日星期日，尋日同家川去完船P。今日都係好好地咁係屋企坐下～

［電話－呀爸］
「喂～」呀爸：「呀康 依㗎即刻去執行李」「做咩事？」呀爸：「呀爸係美國被人跣咗一鑊 依家破咗產 天日會有人封屋」「嚇！」





呀爸：「我叫人幫我整咗去日本嘅機票返嚟 我打算去投靠我個朋友 但只有三張」「咁家姐呢！？」呀爸：「無辦法 呀爸只有你一粒仔」

第二日返學嘅早上
家姐：「我行先啦～」講完就出咗門口。呀爸：「我地都行啦...」媽媽：「我地真係要揼低曉彤吖...」呀爸：「我都吾想 但我真係無辨法 唯有等第時搵到錢再嚟接返佢...」

待續