[重口味][重甜愛情]三人世界: 第十九回 人在江湖

第十九回 人在江湖

上回講到,以為大佬比人捉咗比人虐打,原來係到玩SM.

[你走返呢做乜?]

[大佬,我有D事想同你講,不過你唔好嬲.]

[乜野事?]



[我唔想再行古惑.]

佢兩個對望咗一眼,靜咗無出聲.
[華仔,我都有D野想同你講.]

[乜野呀?]

[其實當日係我打電話報警.]

[吓~~~!!]



[我唔想再撈偏,但係如果同亞公講一定唔得,所以諗住報串然後著草唔再返呢.]

[點解??]

[跑江湖咁多年,要風光已經風光過,要折墮又折墮過,唔想再咁樣生活落去.]

[所以我打算同棋棋一齊返大陸唔再返香港.]
然後大佬拖住棋棋隻手,一時間我都唔知比乜返應好.
唔怪之得個日棋棋唔係到啦.



[你地幾時....]

大佬又含情脈脈咁望住棋棋笑.
頂!!佢兩個真係好攞命.

[自從同棋棋上過床,....佢真係好夾我.]
咁我到睇得出,你兩個都咁重口味.

[咁你點解又唔想撈.]

[同你一樣,揾到真愛.]

[如果唔想撈就同我地一樣自動消失唔好再接觸亞公d人.]



[吓!咁兒戲就得?]
[亞公邊得閑理你地呢d細丫,我地走咗好快又有人頂上.]

[華仔,其實唔再行古惑,唔係人地決定,而係自己.]

[好睇你有無決心,行得古惑最難放棄既係呢種生活.]
係,呢句真.
聲色犬馬,燈紅酒綠既日子好難話走就走.
但係我有決心,我要証明比May睇.

[如果你真係好似我同棋棋咁,你會知點做.]
我望住棋棋,佢捉住大佬隻手.
見到佢真係笑得好甜好開心,睇呢佢兩個係認真.

大佬見到我眼金金望實棋棋,一野打落我個頭.


[望乜呀？佢係你大嫂呢架你諗都唔好諗呀.]

棋棋尷尷尬尬咁笑咗一笑.
我心諗,我同你係襟兄弟呢架.
希望棋棋無同佢提過我有屌過佢啦.
其實係棋棋老強我至真.

[咁你地幾時走?]

[原本諗住上呢攞埋D野就走,咁啱比你撞到正.]
攞野?攪野就真啦.

就係咁我地三個走咗去打冷,
慶祝我地三個都揾到真愛,之後我送佢地到紅磡火車站.



大佬走咗去買車飛,
我就陪住棋棋,望住佢,都值得戥佢高興,
早排先話收山,雖然現在談不上拍咗個好碼頭,
但總算係有人要.

唔知係唔係我比人印象好差,佢見我眼金金望住佢
棋棋跟住講:[點呀,好失望以後唔可以再抽我水?]

[唔係!!乜連妳都咁諗我架.]

佢細細聲咁同我講:[其實你碌野勁過你大佬架.]
呢樣我覺得唔出奇丫.

[如果有機會我再落呢搵你做SP.]
聽到呢句我開始為大佬擔心.