[重口味][重甜愛情]三人世界: 第二十回 兄弟

第二十回 兄弟

[妳現在係我大嫂,我唔會再掂妳.]
見佢面上有小小失望,不等幾秒後又係到偷笑.

[我玩你乍,你想屌我都唔會再比你屌.]
屌!!都唔知邊句真邊句假.

[你話你搵到真愛,係唔係就係你上次話掛住嗰一個人?]
上次我諗起既係May,


但係我係想同Ivy一齊先唔想再行古惑.

[唔係...]

[你咁花心做你女朋友會好無安全感.]
我承認我的確係心野既人,對女人豪無節制能力.
突然間,我覺得自己做咁多野,係因為我想同Ivy一齊定係我介意May點睇我?

大佬攞住車飛過呢:[我地走啦,以後保重,決定咗就唔好返轉頭,無野係唔得架,如果你有事就call我.]



[知啦,大佬,棋棋,你地都保重啦.]

佢地終於可以離開呢個唔多適合自己既生活.
咁我呢?真係可以放棄?呢個問題我都唔知.

送完佢兩個,我就返屋企一條友係床上面休息,呢兩日真係好攰.
順便諗下之後應該點做好.

既然唔做古惑仔,咁啫係要正正經經揾番份工啦.
但係今時今日周街都係大學生,我又無學歷,英文字都唔識多隻,


我只係識A for asshole B for bitch C for cash 呢D囉.
又無技能,最叻屌閪,無理由走去做鴨架.

諗下諗下就訓著咗,
醒既事侯已經係5點,鬼死咁肚餓落去樓下茶記食野.

老闆標叔一見我就同我打招呼.
[華哥,今日咁早呀?唔洗開工咩?]

[係呀.]

[食乜呀.]

[哽係男人的浪漫豆腐火腩飯啦.]



[收到.]

標叔幫我落完單走過呢同我吹水.
[星期三有無心水呀?]

[無呀,無心情賭馬.]

[做乜事你都會無心情?]

[唉~~一言難盡.]
跟住佢睇馬經,我就食飯,食食下我問.

[標叔,呢到請唔請人?]

標叔放低眼鏡講.


[你幾時見過茶餐廳門口無招聘?間間茶記都唔夠人用架啦.]

[做乜咁問,有人想介紹?諗清楚先喎,做飲食好辛苦架.]

[諗清楚架啦.]

[好,咁你叫佢呢見工.]

[好呀,就現在,坐係你面前.]

[咩呀?]

[我話,我想做飲食.]

[華哥,唔好玩啦,我地呢到做正行生意架,


你要搵竇係第二都攪啦,唔好攪我地好唔好.]

[乜呀,我講真架,我真係想做飲食架.]

[華哥,我保你大啦,你同你大佬講唔好係到攪我地啦,好唔好呀.]
佢講完呢句就起身行開咗.
睇呢標叔以為我地想搵佢間茶記做D唔見得光既野,
唉~~原來古惑仔真係咁黑人憎....

食完行去櫃台諗住比錢,
標叔講:[呢餐,唔係呢個月都係我既,華哥你幫幫手同你大佬講,真係唔好攪我好唔好.]

[唉~~你話點就點啦.]
真係唔想再解釋,比完錢就走人.
行到出門口時,標叔又鬼鬼祟祟咁叫我番去.


[有乜事呀?]

[我想問....棋棋...有無開工.]
我頂丫.....佢都係我D襟兄弟?

一條友行返屋企時,突然電話響,我睇一睇邊個,居然係May,佢搵我乜事?