[重口味][重甜愛情]三人世界: 第十八回 情與義

第十八回 情與義

我緊張到手心出汗,
聽到慘叫聲更加係不寒而慄.

終於行到門邊,
因為怕被人發現,我好小心咁慢慢伸個頭出去門罅裝.

點知第一眼就見到大佬被綁係床上,
全身赤裸,面上流露痛苦既表情.



佢全身出晒汗,身上有無數被鞭打既痕跡.
大撚鑊,真係仇家上門.

點算好?唔好理啦,江湖事,江湖了.
唔關自己事就唔好理咁多野.

慢慢退後打算離開.
但係行咗幾步諗起May既一句.
[就係你地呢D人先最無義氣.]



雖然大佬份人平日又仆街又口臭,
但係佢始終係我大佬,無理由唔理架.

我話晒都係佢既門生,
斬過雞頭燒過黃紙....

唔係喎...好似無做過呢D儀式.
總之....我唔可以睇住佢死啦.



但係點救?又唔知入面有幾多人,
我啱啱又比人打到成身傷.

唉~~~死就死,行古惑點都會有把(青)係身,係腰帶攞咗把細刀出呢.
靜靜雞走入廚房,攞咗把菜刀.
然後攝咗塊膠砧板係身上.

臨陣殺敵前上炷香比關二哥.
[關二哥,你要好好保佑呀,如果過到今日我以後都唔再撈偏.]

慢慢行返去門口,
我雙手揸刀,隻手係咁震.
都話咗唔鍾意刀光劍影既生活,尋日先打完交今日就劈友.

原來真係人在江湖身不由己.


呢個時候我想起兩個人,一個係Ivy,一個係May.
[呼~~~~~]
深深吸一口大氣,
入到去出手一定要快狠準.

突然又再聽到大佬慘叫,呢次叫得非常淒厲.
大叫一聲:[大佬!!我呢救你.]
一腳踢開隻門.

眼前有一個黑影,二話不說一刀斬過去.
我應該斬中咗個頭,奇怪,點解無血既?

耳邊傳呢一把女人驚叫既聲音.
點解有女人叫?
睇真d,有個綁滿繩結既公仔訓咗係地,做乜呀玩綁繩?



望一望身邊環境,我見到棋棋!!
佢一身黑色SM皮衫跪係床上面,
大佬就狗仔式叭係床.

棋棋一隻手攞住支好大碌既假鳩,
另一隻手攞住支KY膠,
佢用支插假鳩插住大佬個屎眼.

佢地兩個露出一個非常驚訝既表情,
眼金金咁望實我.

[大佬!?]

[華仔!?你係到做乜呀.]



見到佢兩個咁樣....
我........屌.........呀!!
[你兩條友係到玩SM!!]

大佬口窒窒咁講:[咁....咁....你...你..重唔出返去.]

屌!!唔怪之得叫我唔好返呢啦.
原來靜靜雞係到同棋棋玩SM.
等咗無耐大佬著番衫出呢,
棋棋就著住一件長T,啱啱好遮到條底褲嗰隻.

大佬問我:[你頭先揸住兩把刀做咩?]

[聽到你慘叫以為你比仇家捉住虐打,諗住救你.]



大佬走過呢拍一拍我:[好兄弟.]