【痴線佬FF故】媽呀！我隻貓變左個人呀！: 2

「死廢青，乜你終於返黎喇？我好肚餓呀，等左你好耐喇」

 眼前依一個人生得好似我隻貓既人型版，身型偏肥，中央肥胖但面尖、眼大、膚色偏白，最緊要係個鼻頭有粒同豆豉1:1大細既墨。 

「你...你...你...係邊個呀？點解會入到黎，仲訓係我張床度架...」我問 

「我咪你成日叫既死肥臭囉，我都唔知你比左我食咩，食完就搞到我咁，好核突呀，變到好似你咁大隻，仲要冇晒啲毛，仲有岩岩我拎左你衣櫃入面啲衫黎著住先。」眼前依個自稱係我隻貓既人抱怨著。 

我反應唔切，衝左入廁所洗個面再冷靜下。 我反覆想整理而家既情況，我隻貓變左做人？比左啲野佢食搞成咁？定係騙子？抑或有賊入屋？但佢又會著住我件衫？





 如果真係唔係有賊入屋既話，照我既理解即係我比左啲野佢食搞到佢由貓變左個人？但我又邊有啲乜特別野食佢食？再講吖邊有啲咁荒謬既事，你故拍緊戲咩⋯⋯ 

突然廁所出面傳來一陣貓叫聲。 果然！一切都係幻覺黎既，邊有可能我隻貓變左個人吖！ 打開電視竟然發現果個自稱係我隻貓既人係度用手指篤我另一隻貓個頭。 

「喂！你好停手喇下！」我喝止並扯開左佢。 

「你到底係邊個？同埋你點入黎我屋企架？不如你坦白啲同我講，再唔講我報警架喇！」我好嬲咁問佢。 

「屌！我咪講左係你隻貓囉，講極都唔聽，不過我都知而家咩事，到底點解我會變左個人。」 





此時，我突然諗到⋯⋯唔通係今朝果包零食？ 我即刻去摷返包零食出黎。 

「如果要證實成件事係真定假只有一個方法，就係再餵另隻貓食，睇下佢會唔會變成人類。」我再望向係窗邊既豆苗。，再將一粒雞零食塞左入豆苗個口入面。 

一分鐘⋯⋯兩分鐘⋯⋯十分鐘⋯⋯ 都冇任何變化。

 「你唔好再講大話喇，啲咁荒謬既故仔都作得出，講！你到底係點入黎我屋企，同埋到底你有咩目的」我大聲咁質問佢，但佢一粒聲都唔出，個樣仲要好委屈。 

「你好答我喇！再唔答我報警架喇！」





 但係依個時候佢雙目通紅，雙眼已經裝唔晒啲眼淚開始慢慢滴出黎⋯⋯