【痴線佬FF故】媽呀！我隻貓變左個人呀！: 3

 「喂喂喂，你唔好喊住先⋯⋯」 我真係好怕見到女人喊，佢地一喊我就一定會心軟。 

「點解我講極你都唔信我，我真係冇呃你架，我真係臭妹黎，你要我點講你先會信⋯⋯」佢喊住咁講。 

就係依個時候，有一道好刺眼既光賤到我地對眼流晒眼水。 

原來，佢唔係講大話，原來真係會令貓食完變成人，點解真係有啲咁荒謬既事發生，我大大力摑左自己一下。 

「吖，好痛⋯⋯」 果然唔係發緊夢，依一切都係真實，係我地眼前，出現左一個中等身材，古銅色肌膚，個樣仲有少少混血樣既女仔。

原來豆苗變左做人之後係咁索咁靚女，睇到我流晒口水，等等先，你點解會冇著衫架⋯⋯ 

「喂⋯⋯你⋯你⋯快啲著返件衫先，果邊衣櫃入面拎，我出返去先下⋯⋯」我成個人呆左，咁大個仔都未見過女仔裸體，但竟然第一次見到係我隻貓？我呆左又好緊張咁企左係房門出面。

 「嗱～我冇呃你啦，我都話左我係食左啲零食先變左做人，而家有埋人版你睇，你信我啦。」臭妹好得戚咁講。 

之後我叫晒佢地兩個出廳去商量日後應該點生活。 

「好喇，而家你地兩個都變晒做人類，我亦都唔知你地幾時先會變返做貓，咁暫時依段時間你地就要習慣一下點樣做人喇，同時間我都會諗方法睇下點樣先令你地變返做貓，咁首先你地就要學做人既禮儀⋯⋯」





 「屌你，好撚肚餓呀！食野先得唔得呀！」果然臭妹一肚餓就會變到勁爛口，真係餓多秒都唔得。 

於是，我入廚房拎左兩罐貓糧出黎，將佢地倒係個狗兜上面。

點知平時粒聲唔出既豆苗細細聲講左句：「我要食脆香雞翼，我想試脆香雞翼⋯⋯」 

下？乜而家啲貓原來咁識食，一開口就話要食脆香雞翼，實係佢地平時一直謀住我啲外賣。 

「唉，怕左你地，換鞋出街帶你地出去食牡丹樓喇。」





 點知，咁樣帶佢地兩個出一出去就搞到我柒到搵窿捐。