越界的姐弟戀（甜）: 結局篇- 第五章：威逼（五）

我今次一定要好好保護家姐！我心裡有一大團怒火！死仆街Simon！等陣實打撚柒你！

我搵到地址後，就準備立即趕去家姐到。

婉婷好內疚，都想幫下手減低下罪惡感：「阿明，比我跟埋一齊去，多個人多個幫忙！」

我點點頭後，兩人截上的士趕過去。而係的士上，我不斷思考究竟要點處理單嘢。照咁推測，Simon手上一定有啲證據係威脅到家姐，即係好大機會係琴晚啲相。

如果單純咁樣過去搵家姐，Simon一定會唔憤氣，佢實會將啲相公布出去，咁到時我同家姐都係……所以一定要好好諗個對策，搞到Simon自此消失。



晚上七時半：

正在同Simon食飯嘅家姐，收到whatsapp，而whatsapp 佢嘅人正正係我！

我：「家姐，我已經知道晒啦…你點解要咁傻比Simon威脅…」

家姐唔知要點回覆我，淨係打咗：「我…」

我：「家姐，我知你而家係九龍餐廳，而且應該唔方便聽電話，你去一去廁所先」



家姐同Simon講：「我去一去洗手間」

Simon：「好呀，我嘅小美女」

家姐去到廁所後打比我：「細佬，我…對唔住呀…」

我：「家姐…我明架…係我無好好保護你…」

晚上八時半酒店大堂：



而因為我同婉婷知道家姐食完飯後會嚟呢間酒店，所以我哋無去到餐廳，而選擇先直接嚟酒店守株待兔。因為避免引起酒店職員懷疑，我哋都開咗間房，而作為住客嘅我哋，係大堂一角坐底自然無人會理會。

我同婉婷一早就搵到個比較偏嘅位置坐底，然後默默等待Simon同家姐嘅到嚟。

晚上九時：

一見到Simon隻死人手拖住家姐嘅手入酒店大堂，我就有股衝動想即刻衝過去打鳩Simon。我揸緊拳頭，極力將自己冷靜落嚟，婉婷見到我咁：「阿明…冷靜…」

我同自己講小不忍則亂大謀，我稍微平復下情緒：「嗯，我知道」

按照計劃，家姐會偷偷WhatsApp 房號比我，而我同婉婷會尾隨家姐佢哋上房。

Simon同家姐入到房後，Simon一嘢就將家姐推落床，虎視眈眈咁望住攤係床上嘅家姐。

Simon 企係床邊。磨擦雙手：「嘻嘻，Michelle，我嚟啦」講完就跳上床，壓住家姐。



Simon一邊隔住條牛仔褲撫摸住家姐大腿，一邊望住家姐副美若天仙嘅臉孔，：「Michelle，你真係好靚，果然我同你先係天生一對！」