越界的姐弟戀（甜）: 結局篇- 第六章：威逼（六）

家姐忍住自己嘅情緒，故意用嫵媚嘅聲音：「做咩咁心急…涼都未沖…污糟…我唔鍾意…」

Simon唔理咁多，想壓頭強吻家姐，家姐用食指中指封Simon個嘴，繼續撒嬌嘅語氣咁講：「唔制呀～今晚我都係屬於你架啦，不如…不如你先沖乾淨個身…我等陣…等陣好好服侍你」

Simon露出一副淫賤嘅表情：「嘿嘿，都好，唔急在一時，等陣…嘿嘿…你要好好哋表現wo 」

正當Simon係浴室愉快哋哼住歌沖涼時，家姐悄悄哋行到房門。因為我同婉婷尾隨上房後，所以門外等待時機。

家門一打開門，而我見家姐就忍唔住攬到佢實一實，因為真係好擔心佢。



婉婷拍一拍我哋膊頭，指一指浴室，示意唔好咁大動靜。

等我情緒緩和落嚟之後，我同婉婷將手機先開住拍片模式，躲係衣櫃，靜待機會。與此同時，我先將Simon手機都袋起佢。

過幾分鐘後，Simon沖完涼一出嚟就見家姐躺係床上，並用用一個十分挑逗嘅姿勢誘惑Simon。

Simon：「估唔到Michelle你係咁淫，嘿嘿」。

Simon將身上浴巾一脫，爬上床，全身裸體咁壓住家姐：「你想我主動，定係你主動？」



家姐：「人哋怕醜，你係男嘅…緊係你主動…」

此刻嘅我同婉婷已經靜靜打開小小衣櫃門縫，將兩部手機影住床上。

Simon：「咁我嚟啦」

可惜當Simon想強吻落去嘅時候，家姐同岩先嘅表情截然相反，不斷掙扎，並大叫：「強姦呀…唔好呀…」

Simon以為家姐係專登咁玩，所以無理咁多，繼續用嘴同家姐玩「你追我躲」嘅遊戲。



而藏係衣櫃嘅我，終於忍唔住啦，我一野踢開衣櫃，而Simon被咁大聲響都嚇一嚇，擰轉身望住衣櫃。

我一嘢衝過去一拳將全身赤裸嘅Simon打倒落地，迅速騎住佢身在毆Simon，以洩我心頭之恨！

Simon比我打到迷迷糊糊，不斷叫喊：「求你停手…唔好打啦…」

而家姐都驚我打太重會出事，就立即拉住我：「細佬…細佬..唔好呀…」

我企起身，對住躺係地下嘅Simon怒吼住：「你條死仆街仔呀！」

我拎起Simon部手機，極憤怒咁：「講！密碼幾多！」

Simon就好似做賊偷野被斷正咁：「1…3…1…4」

我打開Simon部手機後，將所有相del晒。



我：「Simon我嚴重咁警告你，而家我手上有錄影低你啲所作所謂，只要我一報警，你就玩撚完！」

Simon變到好龜縮，翳契爺咁款：「求你呀…唔好…我以後唔敢架啦…我會保證…千奇唔好報警」

Simon不停叩頭，不停講：「對唔住，求下你哋」

Simon見我無任何反應：「我發誓之後唔會再出現係你哋面前！」

我：「希望你講得出，做得到！」

我用手一丟，將Simon嘅衫褲丟佢身上，然後大聲：「做唔躝！？」

Simon連爬帶滾咁攬住啲衫褲咁出酒店房。



見Simon離開後，婉婷淚水汪汪：「阿明家姐，對唔住，都係怪我自己蠢先被Simon利用，仲差啲…差啲搞到你被個衰人Simon……」

家姐攬一攬婉婷：「傻女嚟嘅，你咪最後都係選擇幫我哋……我要多謝返你至真～」

我：「係呀，婉婷，今次真係多得有你幫手！」

婉婷止下淚水：「你哋無怪我就好啦……」

婉婷都知此刻我同家姐需要啲私人空間：「咁我走先啦，唔阻住你哋。木我會真心祝福你哋架，而且會將呢個秘密埋藏心底，絕對保密！」

婉婷離開後，我即刻攬實家姐，然後仔細檢查家姐一番：「家姐…你岩先無整親呀嗎…」

家姐終於回復返笑話：「傻瓜，我無事呀。反而係你…你睇下你隻手…」

家姐拎起我對手，眼睛開始淚水打轉，睇落就快要喊出嚟。我雙手因為岩打Simon太用力，搞到破損流血，所以家姐睇到心痛……



我望見家姐咁擔心嘅樣：「哼！呢啲濕濕碎！最緊要家姐你無事！我可以打到條仆街Simon成個豬頭咁，覺得好爽！可以幫家姐出到啖氣！」

家姐：「傻瓜…」

我：「總之…家姐以後有咩事都要同我講…我哋一齊面對！」

家姐「嗯」一聲後就依偎係我胸口。