越界的姐弟戀（甜）: 第九部 - 第三章：三角關係（三）

我衝出去後，搵極都唔見家姐身影，我心急如焚，於是拎起手機打比家姐，但一直無人接聽。

我回想一下，家姐同婉婷傾計，傾傾下又會突然唔舒服？唔通婉婷講咗啲咩嘢令到家姐唔開心？

我即刻打比婉婷：「你岩先究竟同我家姐講咗啲咩？」

婉婷：「無呀…淨係同佢請教下要點先可以追返你…」

我心諗：「呢樣野無至於令家姐嬲呀…肯定仲有其他野」



我再問：「仲有呢？」

婉婷：「無啦…」

我知道婉婷有所隱瞞，但再追問落去都係無咩意思，所以我無再多講啲咩就掛斷電話。

我心諗：「家姐會唔會先返咗屋企呢？」

於是我第一時間搭的士返屋企。而打開屋企大門後，燈係無開，心諗：「唔通家姐無返嚟？」



正當我要將燈打開時，我隱約聽到梳化方向有喊聲，我將燈打開，望見家姐縮成一團，抱緊雙膝。

家姐喊住講：「關燈…關燈…」可能家姐唔想比我見到佢喊嘅樣，所以我都照做。

我藉住從窗外射入嚟嘅少少光線，慢慢靠近家姐，然後緊緊攬實家姐，但家姐左右擺動似想我縮手，但我點會縮，反而將家姐愈攬愈實。

我：「家姐…係咪婉婷同你講咗啲咩…」

家姐：「無…係我自己問題…只係覺得有啲唔舒服…」



家姐：「不如我哋都係做返一對普通嘅姐弟好無…」

我當然係極力唔同意：「唔得…明明我哋都鍾意大家，唔得呀！」

家姐：「但…但婉婷..我哋咁樣好對唔住佢…」。家姐身為女人，好明白女人第一次好重要…都想留比自己最愛嘅人…

我：「我…我有咩對唔住佢，無錯，我係佢初戀…但唔等於我就要同佢一生一世架嘛…我鍾意果個係家姐你呀…」

家姐：「婉婷佢話佢…第一次比咗你，你…你咁樣點得…」

我充滿疑惑：「第一次？」

家姐：「係婉婷親口同我講…佢話…佢話第一次比咗你…」

我：「我發誓，雖然…雖然我同婉婷差啲咩咗，但最後果刻我都係無做，因為…因為我果時已經發現我真正鍾意果個係家姐你…」



家姐：「真嘅…？」

我：「唔得，我聽日要搵婉婷當面問清楚」

家姐：「唔好呀…其實佢都係鍾意你先咁做，何況人哋都唔知我哋…」

係我內心，婉婷一直都係純純、無咩機心嘅女仔，唔似會係搞搞震嘅人…但唔通我真係傷得佢太深…？