越界的姐弟戀（甜）: 第八部 - 第四章：大顯身手！

中午12點，由於阿媽要趕飛機，所以都準備要走，但臨走前都再入家姐房一陣先再出嚟。

出返嚟後，語重心長：「明仔，你已經大個仔啦，輪到你好好照顧家姐」

我立正，用敬禮嘅姿勢：「Yes, Madam！我今生今世都會好好照顧家姐！」

阿媽：「冇嚟正經！」

雖然阿媽以為我講笑，其實我係認真。目送阿媽坐上的士後，我轉個身就飛奔返上樓。我抖返順條氣，輕輕敲一敲家姐房門，然後打開房門，而家姐仍繼續熟睡緊。我坐咗係床邊，捉住家姐嘅手，靜靜望住家姐訓。



不過我陪下陪下，睡意漸起，最後趴係係床邊訓著住。家姐擘開雙眼，擰轉頭深望住我，而眼神帶有一絲絲嘅歉意。

家姐伸手撫摸我臉頰，然後輕聲講咗包：「細佬…對唔住呀…」

雖然我無聽到家姐講咩，但呢個小小嘅動靜將我喚醒過嚟。我緩緩地睜開眼睛，望住家姐一副想喊嘅樣，即緊張問：「家姐，發生咩事呀…唔好喊…喊好喊..係咪仲係好唔舒服…」

家姐見我咁緊張，用手輕抹濕濕嘅眼角：「無嘢呀，見你係到陪我，覺得開心到標眼淚炸」

我：「我擔心你呀嘛…」



家姐：「我無咩嘢啦，媽咪係咪走咗啦」

我：「係呀，頭先我已經阿媽去搭的士走咗啦」

家姐揭開張被準備落床。而家姐著住套可愛性感嘅睡裝，上身清涼貼身白色小背心，下身著住條小短褲。呢套睡裝將家姐嘅身材顯得更玲瓏浮凸。雖然咁樣嘅家姐好吸引，但此刻嘅我並無任何不軌意圖。

我：「家姐你做咩！」

家姐：「琴日買咗啲餸呀，再唔煮咗佢就浪費晒啦」



我嚴肅咁講：「唔得呀，你好好同我休息，啲餸交比我！」

家姐抱懷疑嘅目光望住我：「你？搞唔搞得掂…」

煮飯呢樣野，對於我嚟講，簡直就係…就係…地獄。我咁個仔入廚房嘅次數，五隻手指數得晒。對上一次煮嘢係家姐早排病咗，煮嘅嘢只係簡單嘅粥，而今次係要應付咁多餸，真係頭都大埋。

結果大家都可想而知，煮出一盤又盤嘅地獄料理，我望住啲餸真係可以用慘不忍睹嚟形容。而唔知咩時候，家姐企咗係我後面。

我試圖用手遮咗啲餸，尷尬地：「家…家姐…你出嚟做咩，我未煮好呀」

家姐望住啲餸，有種哭笑不得嘅感覺：「我出嚟去廁所，順便睇下你煮成點」

家姐繼續用勉强嘅語氣：「點知…煮得…幾…幾..唔錯呀」

我心知肚明：「家姐，唔洗安慰我啦，啲餸睇落成Pat屎咁…」



家姐將我拉開，然後用支叉叉起少少。而我正想阻止家姐，家姐已經放入嘴中。

我錯愕：「家姐，快啲吐返出嚟…」

不過實在太難食，家姐原本都想試食下嚟安慰我，但都係頂唔順吐返出嚟。

家姐尷尬咁講：「的確…有好大嘅進步空間…」

結果我浪費咗一大堆食材…最後都係要叫外賣。


家姐可愛睡裝示意圖：