越界的姐弟戀（甜）: 第八部 - 第三章：心事

難得阿媽返嚟，雖然時間唔長，但我哋都想爭取下陪媽咪嘅時間。而阿媽喺星期日下午先飛新加坡，所以我同家姐琴晚原本就講定朝早陪阿媽出去飲個早茶，但…

早上七點半點，我被鬧鐘嘈醒，然後伸個懶腰出去客廳。而媽咪正坐係客廳梳發收拾啲文件同行李。

我：「阿媽，早晨呀」

媽咪：「今日咁自動自覺起身嘅？」

我：「為咗陪阿媽你呀嘛，家姐呢？」



我同時心諗：「家姐好少可賴床架喎，唔通又唔舒服？」

媽咪：「應該未起身仲訓緊」

我：「咁我去叫家姐」

我輕敲兩下家姐房門，我聽到家姐微弱嘅聲音：「幫我同阿媽講聲，我有啲唔舒服，陪唔到佢飲茶，我想休息下」。

我緊張：「家姐你邊度唔舒服，你開門我入嚟望下好無？」



家姐：「唔好呀…我訓多陣就會好架啦…你陪阿媽去飲茶啦」

我同家姐嘅對話都比阿媽，然後行咗過嚟：「Michelle 你見點呀？洗唔洗去睇醫生？」

家姐尷尬咁講：「媽…我..嗰個嚟咗…想休息下」

阿媽聽完直接打開房打，而我見阿媽開門，我都想跟埋入去。

但阿媽用手擋住我，然後：「你咪再係到搞搞陣，快啲返出廳，唔好阻咗你家姐休息」。係阿媽眼中，我永遠都係長唔大、都咩都唔識嘅細路。



半個鐘後，阿媽由家姐房出嚟，但眼睛紅紅，好似喊過咁，而臉上亦心事重重。但神經大條嘅我，卻無留意咁多。

而我知道家姐唔舒服後，我成個人都唔放心，個心囉囉攣，無心機陪阿媽飲茶，淨係想留低陪家姐，我尷尬咁問阿媽：「咁我哋唔去飲茶？」

阿媽：「你落街買三份早餐，我入房再整理下啲文件」。

買完早餐後，我敲一敲家姐房門：「家姐，我買咗粥比你，我開門入嚟好無？」

家姐疲弱嘅聲音：「好…你拎入嚟啦」

我一見家姐一副無精打采嘅樣，即刻行到床邊：「家姐，你無嘢嘛…不如我陪你去睇醫生好無…？

家姐微微一笑，繼續用柔弱嘅聲音：「我無事呀，我M到炸…唔洗擔心…」

我：「真係無嘢？」



家姐：「係呀…囉嗦…係咪比粥我食架？」

我每𢳂一羹，就輕輕吹一吹，等啲粥無咁熱，然後一羹一羹餵晒家姐成碗湯。

家姐終於笑一笑：「有你真好…」

我扮晒成熟咁：「當然啦，我講過以後都會好好咁照顧家姐你架嘛！」

家姐此刻心情百味雜陳：「如果有一日，你發現家姐無你想像中咁完美，你仲會唔會繼續對我好？」

雖然我唔知點解家姐咁問：「家姐，你係我心目中就係完美嘅存在，我會永遠永遠對你好！」

家姐喜上眉梢：「好啦，家姐我想繼續訓多陣，你出返去啦」