越界的姐弟戀（甜）: 第八部 - 第五章：敵意

因為家姐唔舒服嘅關係，所以今晚我哋兩人都係分開。到第二朝返學時，家姐終於精神返啲。

而無纏住家姐一排嘅Michael 突然再次出現，係樓下等我家姐。由於身份上嘅轉變，所以再見到Michael時 ，對佢觀感已經改變晒，帶有一種敵意。

Michael一副嘻皮笑臉嘅樣：「Michelle，細佬，早晨呀！」

家姐：「Michael，唔係已經同你講清楚，唔好再騷擾我，我有鍾意嘅人啦」

Michael：「但上星期唔係你whatsapp我，叫我今日樓下等你咩？」



Michelle：「我無叫」

Michael拎出手機whatsapp對話，裡面真係有家姐叫佢今日嚟樓下嘅對話。

我：「你唔好係到整到假嘅對話圖」

家姐：「我真係無whatsapp過你，而且都同你講得好清楚，唔好再煩住我」

我：「我家姐都咁講啦，你走啦，佢今日唔舒服，你最好就唔好係到搞搞震」



Michael好似好緊張望住家姐 :「Michelle， 你唔舒服呀？」

然後再對我講：「我嘅好細佬，不如等我嚟照顧你家姐啦」

Michael 講完後，竟然想將家姐從我手中拉過去。

家姐：「痛呀」

我幫家姐fing Michael 隻手後，然後用有生以來再兇狠嘅怒吼：「你做咩呀，dllm」



Michael 見我反應咁大，都往後縮一縮:「okok ，我放手！」

Michael見我反應咁大：「Michelle，Sorry呀，我無心」。

然後對我講：「細佬你做咩好似食咗火藥？」

家姐見我有啲唔妥，扯一扯我校服示意我冷靜下。

但我抑壓唔住自己：「邊撚個係你細佬，唔係到懶熟咁。你再唔走，我就真係唔同你客氣！」

Michael見唔對路：「我都係唔打擾你哋先」，然後快步消失係我同家姐視線。

Michael 走咗後，我雙手拖緊家姐兩隻手，緊張地講：「家姐你有無嘢？」

家姐：「我無嘢呀，反而係你…做咩咁大怒火…」



我：「我唔想其他男人掂你，更唔想被任何人搶走家姐你！」

家姐用撒嬌嘅表情：「知道啦傻瓜。唔好嬲啦，但應承我，下次唔好再咁啦好無～」

而此刻我樓下某個角落，正有一個身影默默注視呢一切。

一返到課室，話咁快就傳開咗我今朝兇Michael 嘅事。

口水佬：「阿明呀，聽人講話你今朝極惡咁兇走F6果個Michael？」

我：「你邊到聽返嚟架？」

豬肉榮：「而家啲人係到傳緊啦，話有學校嘅人今朝見到你同Michael係路邊嘈，唔知仲以為你哋係到爭女」



我：「咁你哋都知嗰個Michael成日纏住我家姐，而今日佢又嚟煩住我家姐，我緊係要屌走佢」

豪仔：「咁你家姐咁正，有人追都好正常姐」

我：「我唔會比其他男人接近我家姐架」

豬肉榮：「我哋學校facebook群組仲有你哋嘈交啲相添」

口水佬：「望住啲相，你同你家姐咁親密，如果我哋唔係知道你哋係兩姐弟，真係會以為你哋係一對」

我：「咁…咁作為細佬保護家姐都好天經地義姐」

豬肉榮：「但你家姐遲早都會被其他男人溝走架啦」

我：「我唔理咁多，總之…總之邊個都唔可以搶走我家姐」



口水佬：「你唔會係姐控呀嘛」

我：「屌，廢事理你哋，上堂啦」

我內心其實有少少悶悶不樂，我都唔知點解會咁…可能係我同家姐嘅關係係禁忌，係秘密，唔公開得，但同時咁樣又令我內心好似好似屈住屈住…