越界的姐弟戀（甜）: 第四部-第三章：不可越界

我迅速執完碗碟後，我同家姐換咗套衫就出門。行街果然係女人既靈丹妙藥，陪家姐出去吃喝玩樂咗一日後，家姐心情明顯地變返好，終於有返晒笑容。

經過琴晚果件事後，不知不覺地，我發覺我心情係隨著家姐而轉變，家姐傷心時我傷心，家姐開心時我都會跟住開心。另外，我內心更存在一股衝動希望家姐永遠都可以開心，同希望可用一生守護佢。

而我會變成咁樣，我當然自己係好清楚個原因。呢個正因為係埋藏深處已久既情感被激發咗出黎，但對於呢種感覺，我係極力壓制。

我始終過唔到自己過關，我知道如果真係同家姐一齊，係社會倫理道德規範下，呢種近親關係一定不被世人接受，所以我知道係唔可以同唔應該去越過呢條界線，否則後果難以想像。

我目前所能做既就係扮無知，繼續擔當好細佬呢個角色，除此以外既事，唔去亂諗。家姐好似都知道我想點，兩人彷佛達成共識般，而之後亦無再發生類似琴晚既事情。



至於我同婉婷拍拖一事，家姐好似都睇開咗，無再講太多，只係叫我唔好掛住拍拖而罔顧學業。而我其實係知道，家姐心內係唔多鍾意我拍拖。

而經過呢件事後，我日日都會陪家姐食夜晚。即使係同婉婷出去行街，都會準時8點返到屋企。另外，家姐都主動提出之後分開沖涼，我覺得都合理，所以都無拒絕。一來可以避免尷尬，二來係希望避免啲錯事再次發生。

雖然我同家姐好似如常咁生活，但彼此都知道兩人既關係有些少改變，只係大家都唔去說穿呢一切，維持現狀。不過亦因爲咁既狀況，我開始變得好迷茫，我好似當咗婉婷係家姐替代品，所以我經常都問自己一個問題：「我真係鍾意婉婷？」

我呢一個暑假既所有活動就係陪家姐、同婉婷拍拖同溫書底下渡過。而我咁樣遷就家姐法，婉婷當然會有啲不滿，但礙於我同家姐係姐弟關係，婉婷都唔敢多講嘢咩。而直到就完暑假既倒數最後第三天，就發生咗啲事，而呢件事就令我、婉婷同家姐三者之間關係發生咗轉變。