越界的姐弟戀（甜）: 第四部-第二章：翻篇

中午十二點半，我被家姐叫起床。我迷迷糊糊聽到家姐講：「阿明，起身食中午飯啦～」。我緩緩地張開雙眼，由於仲係好眼訓既狀態，加上窗外陽光刺眼，所以視線係朦朦朧朧，我望到家姐企咗係我床邊。

我捽一捽雙眼，等自己清醒啲，我望見家姐著住條圍裙，右手拎著鑊鏟。家姐依舊係用好溫柔既聲講：「中午12點半啦，快啲起身刷牙洗臉食午飯～」。

我望一望床邊枱既鬧鐘後，我對家姐「喔」咗一聲。家姐摸一摸我頭後就轉身出返去，我望住家姐個背影，內心係五味雜陳。

我起身入浴室，用洗水洗一洗臉，雙手拍一拍雙邊臉，然後對住鏡中既自己講：「陳家明，精神啲！」雖然家姐睇落同平常一樣，好似當咩事都無發生過咁，但我從家姐眼神感受到些少憂傷感，所以我知道呢一切只係家姐強裝出來。

我一出廳，家姐就笑住對我講：「過來坐低食飯啦～」。第一次食飯既過程中，我同家姐係完全無講到任何嘢，好安靜地食完餐飯。



我食飯速度比較快，所以會先食完。我放低碗筷，準備起身離開飯枱時，家姐開口講：「阿明，琴晚果件事，我地當無發生過啦。我地好似以前咁好無...唔好唔理家姐...」。家姐講講下，兩行眼淚往下流。

眼淚係女人最強、最具殺傷力既武器，見家姐一流眼淚，我心都慌晒。我實在唔忍心家姐咁難受，我即刻行到去家姐面前半跪住，我雙手手指公抹一抹家姐眼淚，然後講：「我永遠都會係家姐既好細佬，我會一世都咁錫家姐架！」

甜言蜜語係女人都受，我此刻終於體會到。我一講完，家姐即刻笑返：「真既？」我信心滿滿咁應：「緊係啦！」見到家姐笑返，我個心都安樂晒。

為咗令家姐開心啲，我講：「難得放暑假，當然唔可以淨留係屋企，要出去玩下，咁樣心情都可以好啲！不如我地今日出去玩囉？」。