越界的姐弟戀（甜）: 第三部-第二章：談戀愛（二）

我真係發夢都估唔到，竟然係婉婷主動拖我手呀！此刻我心情很好激動，心跳不斷加速。我心諗：「拖起我手，係咪代表我得咗啦？」因為太突然，所以我都企咗係到發咗陣呆。

婉婷見我唔行就開口講：「係咪唔想走？」

我口窒窒咁應：「唔...唔係呀...」

未等我講完，婉婷就拉住我出去，而我就一路就痴痴呆呆咁望住佢個背後，一路享受同感受婉婷那細緻嫩滑既玉手。出到戲院門口後，婉婷轉身望住我，然後用有少少埋怨既語氣講：「我咁樣拖住你，你覺得合唔合適？」

我當然知道婉婷既意思，我吸咗一大啖氣，鼓起勇氣，我雙手捉住婉婷雙手，然後用肯定既語氣講：「當然由我黎拖，而且仲會拖到實一實，唔會放開手！」



婉婷臉頰泛紅，然後有少少撒嬌咁講：「係拖實先好！」

唔知點解，見到婉婷面紅害羞個樣，我內心突然有股衝動想咀落婉婷香唇到。我嘴唇慢慢靠婉婷，而婉婷見到我咁既動作，好自然地合上雙眼，然後嘟起個櫻桃小嘴。

愈接近婉婷個嘴，我心跳就跳得愈急速，我心諗：「我既初吻，我黎啦！」

我輕輕親吻落婉婷嘴到，我嘴唇體會到一種柔軟飽滿、富有彈性觸覺回饋。我感覺到婉婷身體有微微顫抖，暖暖鼻息游離係我臉上，身上果股幽香飄進我鼻腔。

此外，我感受到婉婷輕微嬌喘聲，令我身體發熱起黎，心臟無節奏咁亂跳住，而我下面都逐漸有反應。而呢一刻，我想更進一步，我嘗試伸出我舌頭，但當我舌頭一觸碰到婉婷那潤滑柔軟既嘴唇時，婉婷推開我，然後紅著臉講：「呢到人多呀......」



我望一望周圍，的確圍觀咗唔少花生友。見到眾人討論紛紛，我臉上瞬間都紅晒，覺得好尷尬......然後，我一手拉住婉婷迅速離開呢個尷尬之地。