越界的姐弟戀（甜）: 第三部-第一章：談戀愛（一）

婉婷叫我12點鐘係佢屋企樓下等佢，而我就早咗少少到，11點50分就已經到婉婷樓下等佢。夏日炎炎，真係熱死人，即使我企係蔭涼位等，但仍然覺得好似企咗係火爐隔離咁。

等咗唔洗5分鐘，婉婷就已經落到黎，婉婷面帶笑容咁向我行過黎。望見青春洋溢既婉婷，頓時令我砰然心跳，而且炎熱既感覺彷佛瞬間消失咗咁，婉婷真係好靚......

婉婷頭髮紥住馬尾，身穿白色連身吊帶短裙，露出一雙修長白滑既秀腿，睇到我眼鯨鯨，口水都差啲流埋出黎。婉婷行到我面前，轉咗個圈，然後笑住口問：「我咁著，阿明你覺得好唔好睇呀～」

婉婷條裙都幾短下，所以佢轉圈果時，其實都差啲啲都見到佢底褲。我起勢係咁點頭：「好...好睇...好睇」。

每次同婉婷一齊，我都會有種前所未有既舒適感，覺得好自在，我心裡真係好想婉婷做。而今日同婉婷，其實我係有目的，就係打算同婉婷表白！



係決定表白前，我已經做足萬分準備。我上連登開post，諮詢咗多位連登專家既意見。係整合咗多個意見後，我最終決定直接拖手表白，做個真漢子！

我地一路行街，一路漫無邊際咁傾計。當中都有好幾次時機，我都有股衝動想去拖起婉婷隻手，但膽小如鼠既我，始終都鼓起唔到勇氣去拖，錯失咗唔少良機。

行咗陣街後，我地二人就去睇戲。我心諗：「戲院係最有可能拖到手既地點，所以我一定把握到機會，要成功拖到婉婷隻手！」

電影開始播放，但呢一刻既我，心思集中係點樣成功拖手到，完全都無心機去睇戲。我隻手放咗係靠近婉婷座位扶手臂上，一直等待可以拖到手既時機。

要講到最好既時機，當然係婉婷伸咗手拎嘢飲時候。雖然我心裡係咁樣諗，但當婉婷真係伸手去拎嘢飲時，我隻手好似僵硬咗咁，動彈不得。而當愈接近電影尾聲，就代表機會就愈少，果一刻我真係好憎自己咁無膽！



就咁樣，比我再三猶豫之下，電影都播完了，我依然未成功拖到婉婷隻手......

而當我同婉婷準備起身走時，一隻嫩滑纖細既手拖住我隻手，我向下一望，婉婷拖住我隻手呀！婉婷語氣帶有啲不滿咁講：「要拖就拖嘛，猶豫咁耐！」

婉婷衣著示意圖：