越界的姐弟戀（甜）: 第三部-第三章：談戀愛（三）

我同婉婷快步行一個比較人少既地方，因為行得太急既關係，兩人都有些少氣喘。婉婷抬起頭，我地對望一眼後，兩人一齊笑咗出黎。而呢一刻既我，終於明白點解啲人會講「初戀係美好」呢句嘢，因為我完全感受到幸福快樂既滋味。

婉婷開口問：「跟住落黎我地去邊好？」。原
先我同婉婷都係諗住睇完戲就各自返屋企，因為我要返去陪家姐食夜晚。

但初嘗戀愛滋味既我，心裡係好想每分每秒都係婉婷身邊，所以都唔想太早返屋企。我開口講：「不如我地拍多陣拖，食埋夜晚先返屋企囉？」

由於婉婷都知道我其實係要返屋企陪家姐食飯，所以都問我：「你唔係要返去陪家姐咩？」。我拍晒心口咁講：「陪少一餐半餐無問題既！而且係呢一刻，我想...你陪我耐啲...」。講講下，我都有些少面紅同唔好意思添。

婉婷踮起腳尖，錫咗我面珠墩一下，然後講：「真抵錫～」。之後我就從褲袋拎起手機whatsapp家姐，同佢講話今晚要同朋友食飯，所以返唔到去陪佢食。而家姐睇完後，只係簡單咁覆咗個「👌🏻」。



Whatsapp完家姐，我正正式式拖起婉婷隻手，我地二人再次對望一笑，然後就手拖手繼續行街。拍拖係一個好甜蜜既事，就算只係飲啖水，都會覺得好似飲緊糖水咁。而且仲會覺得身邊只要有對方係到，就已經覺得心滿意足。

我同婉婷漫無目的係旺角四周亂逛，一直逛到6點半鐘，兩個人都見有少少肚餓，所以就開始搵野食。婉婷話無必要去食太貴，係旺角掃下街仲更加好。

燒賣魚蛋、臭豆腐、烤魷魚鬚、煎釀三寶，雖然都係普通嘢食，但係我餵下你，你餵下我既情況下，食得特別滋味。

拍得拖難免會嘗試去抽下水，所以拖住婉婷隻手時，我手臂都有意無意地去觸碰佢胸部。雖然隔住啲衣物，但依然都覺得好爽。

幸福快樂既時間過得特別快，不知不覺地已經晚上十點鐘。雖然我初為男友，但都知道送女友返屋企係應該要做既事，而且我都想陪婉婷耐啲。



將婉婷送到佢樓下後，我用依依不捨既語氣講：「咁我走啦...」。婉婷閉上眼睛，嘟起嘴唇，然後用手指指一指個嘴。咁既動作，幾傻既人都應該會知婉婷想點。