越界的姐弟戀（甜）: 第二部-第五章：第二追求者

我換好衫刷完牙就出廳，而家姐一樣係已經準備好晒早餐等我。以往家姐都係坐我對面，但今日竟然係坐我隔離。坐底咗落黎既家姐，條校服短裙顯得更短，而且仲要交叉搭腳，使雙腿更誘人。邊食早餐，邊觀賞如此美景，多麼幸福美滿既早上呀......

食完早餐後，我同家姐就返學。一落到樓下又見到個死吊靴鬼Michael。Michael 一見到我地兩個，鬼死咁精神咁打招呼，但家姐理都無理佢，無視咗佢，撟住我隻手直行直過。以Michael 打不死小強既精神，當然係繼續跟住我地兩個尾。

一路上，家姐好似撟住我隻手比以往撟得更緊。返到學校門口，又彈出個家姐追求者：「Michael你唔好咁肉酸啦，又死纏爛打住Michelle。Michelle ，我同你上去啦，等陣都唔知會唔會有人有不軌既企圖。」

講嘢呢條友叫孫文耀，Simon，身高185，係一個斯斯文文，帶有書卷味既帥氣男仔。佢同Michael 完全就係兩類人，Simon一身書卷味味，一睇就知係讀書之人，而佢成績當然係全級第一（我家姐第二）。

Michael咁樣被Simon講一講，火冒三丈：「你咩意思呀？我做啲咩關你柒事？」



家姐都懶得睇佢地：「你地慢慢嘈啦，我就同我細佬上去先」。Michael同Simon對睥一下，而兩人之間彷佛有兩道電相互拉鋸。但一見家姐同我一走，兩個人立即爭先恐後咁跟住。

真難為家姐日日都要對住咁既情況。我一返到課室坐底埋位，果三條友又圍埋黎想恥笑我，口水佬第一個講：「哈哈哈，星期六溫書溫得過唔過癮？」對住佢地啲嘴臉呢，真係想一大巴咁車落去。

我好得戚咁講：「Sorry wo，我同婉婷係去行街睇戲，而唔係你地口中既‘溫書’」。豬肉榮充滿懷疑既語氣講：「吹呀，你繼續吹呀，任得你吹」。我都費時都佢地繼續詏。

而呢個時候，婉婷剛好行咗過黎。佢完全無視咗三條蛋散，直接問我：「阿明，等陣Lunch我地一齊食好無？」

我用驕傲既眼神掃一掃三條粉皮，然後應返婉婷：「得呀」。



口水佬有啲唔好意咁開口向婉婷求證：「婉婷，你同阿明星期六真係去咗睇戲？」

婉婷好大方咁講：「係呀，有咩事？」

口水佬急忙咁講：「無無無事...」。講完後，婉婷就轉身行返埋自己位。三條蛋散雙眼瞬間轉以羨慕既眼光望住我。咁的確係，作為毒撚，唔好話有女仔約你，就連開口約連女仔既機會同勇氣都未必有。